人家愈跑愈瘦，我就反而重了幾磅，皆因我每次跑完後，都吃好多東西去補充體力。

這實在不行，於是在一月份開始每週至少兩晚吃自創的減肥餐。 既要吃得飽，又要營養，又要清淡，又要保持肌肉，都幾難。

我就用蕃薯代替米飯，因為蕃薯含高纖，較容易消化。 而肉方面，就吃一隻雞脾，並盡量少鹽及零糖，只加少許胡椒粉調味，然後用滾水中淥熟，連油都省掉。 再淥幾片生菜，便成為一頓清淡的營養晚餐了。

就算不是練跑，保持體態都是我的目標。 漸入中年。不寄望有六嚿腹肌，只要沒脹卜卜的肚腩，已經是慶幸了。