【食譜】炒三絲之西芹甘筍牛柳絲

牛肉雖然好毒，但有時心思思，都想吃一點的。又隨著牛肉價格不斷上漲，超市一包200克牛肉也要賣廿多元，我真的只能吃少少了。買200克咁少份量的牛肉，要晚餐豐富，除了將之切幼，唯有找多兩款疏菜去配搭，於是買了西芹及甘筍，來個「炒三絲」。
選擇西芹和甘筍，主要因為顏色一青一紅，加上牛肉的啡色，變得色彩繽紛。

做法：

「炒三絲」最重要是切幼絲，切得靚就成功了一大半，就如樣子生得靚一樣。

牛肉用糖、鹽、生抽、老抽、黑椒、紅醋、麻油、檸檬汁、生粉加水醃半小時以上

開始煮，用蒜萁起鑊，先炒甘筍，

待甘筍變軟後，放西芹炒勻，

然後再落生牛肉絲，

灑少許紹興酒，再倒下原本用來醃牛肉的生粉汁作埋茨，

炒勻後，即可上碟。