洋蔥、豬頸肉、意粉，三樣材料炒埋一碟會是怎樣呢？ 發覺又幾好味，而且我認為用豬頸肉配意粉，好過用牛肉，因為豬頸肉軟且攣，較容易跟意粉撈勻。
洋蔥豬頸肉炒意粉
材料： 洋蔥半個、豬頸肉約200克、意粉約200克
豬頸肉醃料： 糖、鹽生抽、老抽、麻油、黑椒、生粉
洋蔥切絲備用
茨汁： 老抽、水、生粉 （老抽是重點，因為可令意粉上色）
先將意粉在落了鹽的滾水中，煮6分鐘至八分熟，然後撈起，瀝水，不必過冷河，以免意粉太硬，只須將意粉拌欖橄油就可以
開大火，放生油及以蒜萁起鑊，然後炒香洋蔥，
放豬頸肉一起炒熟，
再放入意粉，加少少水，用筷子撈勻，
炒兩至三分鐘後，落茨汁，再撈勻，收乾汁後便可上碟。
