我知道有些食評人不喜歡寫放題，嫌它太大眾化。其實放題跟自助餐一樣是網民熱門的搜索題目，大眾無非都係想用一個較便宜的價錢去食盡所有喜歡的食物啫，唔通吓吓都寫堅離地的米芝蓮餐廳咩!

放題亦有平和貴之分，像這晚去的相撲手 Sumo 日式放題店，曾經「標示著」原價要HK$400多元，確實太貴了。幸好現在回復市價，只是HK$238至$288之間，算是合理水平，但仍比大部份的放題店略高，究竟貴在哪裡呢?

首先看看食店環境!

設大量卡座，中央亦有多張長枱，感覺闊落。而內在佈置成日式魚市場般，設計亦算企理。

當晚用饍時，店員突然開咪跟食客玩遊戲，只要主動拿起手機走上前，便有生蠔食，相當懂得搞氣氛。不過，有一點要改善的，就是音樂，整晚都播著同一隻唱片內兩三首歌，真係有點悶，唔該轉下歌啦!

食物方面，供應的類別頗為齊全，刺身、壽司、天婦羅、沙律/前菜、一品料理、串燒/燒物、炸物等，基本想吃的都有齊。

刺身類:

佈置成一條玻璃船加白玫瑰，頗有心思。點了多款刺身，包括基本的油甘魚、三文魚、吞拿魚、馬刀魚、北海道帶子等，較貴價的有鮑魚片、象拔蚌、相撲甜蝦等，亦尚算鮮甜而肥美，其中「相撲甜蝦」顧名思義是像相撲手般大份，亦相當鮮甜，是必點之選。

壽司及卷物:

幾款火炙壽司看來有點縮水，只得「柚子芥末帆立貝」較可取。反而卷物就比較吸引，其中「泡菜和牛卷」帶微辣而有軟滑感，實屬不錯，而「黃金芝士蝦卷」及「芝士吉列蠔卷」也可一試。

串燒及燒物:

串燒排得細心，值得一讚。幾款串燒亦見水準，其中「柚子胡椒雞肉」較特別，柚子和胡椒味都好出。其他如安和斯一口牛粒、牛舌、香草燒焗羊鞍等，屬中上之姿。

「芝麻雞翼」的芝麻份量不夠重，如果Size大隻些小還會更好。

一品料理類別中，「朝鮮魷足炒年糕」相當惹味，年糕質感煙韌而油滑，幾滿意。

飲品則任取，都是基本的汽水和果茶等。

整體來說，相撲手 Sumo的食物比其他的放題店豐富，以刺身和串燒最好，其他的食物則中規中矩，定價200多元仍算合理。

最後不得不提，如果朋友來慶生，食店會奉送一客用吞拿魚他他做的蛋糕，還閃著煙火，亦算有心思!

 

相撲手 Sumo 日式放題店

地址：九龍尖沙咀寶勒巷6-8A盈豐商業大廈2樓

電話：+852 3188 0447

價錢及時間:

18:15 – 20:15 (星期一至四 每位HK$238; 星期五至日及公眾假期 每位HK$268)

20:45 – 22:45 (星期一至四 每位HK$268; 星期五至日及公眾假期 每位HK$288)

(小童及長者: HK$148)

 

想知道我的最新動態，請關注Facebook專頁:  YFL 生活博客 

Instagram: kelvinyfl