我是個很怕參加婚宴的人，除非對方是要好的朋友，或者正合作緊的同事，才會俾面出席他們的婚宴，否則我寧願缺席。

小時候，郤常跟父母去飲結婚酒，總是扮得我靚靚仔仔赴會，雖然悶悶地，但都係乖乖地坐足成晚。

細個時，成日都唔明白點解要等到九點半後才開席，點解要睇人打牌，點解新娘都化幾呎厚的大戲妝，又要換衫，我食食下翅又要停低等你敬酒。可能因為太悶，餸菜大部份都唔好食，但又要俾足人情，所以，母親教落，一定要食足咁多道菜，最後又一定要攞幾個橙走，才對得住自己。

婚宴最有趣的地方，我看並非睇一對新做Show，而是偷聽台下賓客對新人和主家的冷嘲熱諷，不幸地，大部分人都總會有些mean爆的親戚朋友。常去婚宴的朋友，聽到的說話可能mean過我見的千百倍吧!

為避免出醜，婚宴簡單些，影下相，餸菜好好睇睇咪算囉，咁辛苦又要俾人笑做咩呢!

關於婚宴，早前我少有地出席了一個婚宴的Event。位於尖沙咀The ONE的12樓，東海薈夥拍婚禮服務專家拉斐特，組成「東海薈拉斐特」的婚宴專用場地。當然，平日都繼續供應酒樓食物的。

活動上，展出了最新款的婚紗，除了傳統的白色婚紗外，還有其他設計，以及其他顏色，一樣顯得高貴。

新郎都要型埋一份! 我都想要一套這樣的男士禮服。

婚紗展最後由一對穿著英國皇室威廉王子大婚的婚紗禮服來進場，好有氣派。是否要有樣學樣呢? 你自己衡量啦!

婚宴的菜色都好重要，東海薈特色為新店設計了一些新的婚宴菜色，例如上湯煎釀蟹鉗、法式牛油果焗海鮮、開心果蛋撻仔、霧之戀人芒果布甸等，賣相和烹煮上，都好有特色。加入了一些西餐元素，既減少了肥膩感，又增加了吸引力，令人食慾增，便可盡量減少浪費食物，最重要是俾人情都俾得值。

結婚始終是開心事，在華麗的環境擺酒，新人和賓客應該都會高興的。

 

東海薈拉斐特East Ocean Lafayette

地址: 九龍尖沙咀彌敦道100號The ONE 12樓

電話: +852 2698 0990

 

想知道我的最新動態，請關注Facebook專頁:  YFL 生活博客 

Instagram: kelvinyfl