好耐無寫放題了，但並不表示我只懂介紹貴價自助餐，而棄貼地的放題。我同大家一樣，都係普通打工仔，有時都只係想平平地食一餐啫，尤其是跟朋友出街食，更加要考慮朋友的Budget，放題始終都是個好選擇。

早前趁週末去過旺角瓊華中心，原本想食「牛角」的，但到達時已過了9點後的時段，要十點半後才有位，於是走上一層睇睇。七樓這間「至尊滿屋」，貼著主打漁市場珍品放題，好似幾吸引喎。價錢方面，星期六每位HK$238 (另收加一)，店員問我們能否等到9點半才入座，因為有八五折，計落每位大約$200加一，梗係等啦，於是便當作宵夜放題。

內部環境尚算闊落，星期六晚9點半後不算爆滿，兩個人都可以用四人枱。

看看有什麼特別食物?

其中有一頁叫「至尊海鮮宴」，包括有北海道焗廣島蠔、至尊蟹皇瑤柱海鮮粥、避風塘炒蟹、蒲燒鰻魚等。

北海道焗廣島蠔的芝士份量大，但似乎太大，完全蓋過了蠔。

刺身處理得不錯，鮮度尚算高，以上拼盤有甜蝦、吞拿魚、油甘魚、希靈魚、深海大赤蝦，推介吃甜蝦刺身。

壽司類中，不少都淋上松露油，十分清香。上圖有黑松露油甘魚壽司、黑松露牡丹蝦壽司、墨魚檸檬香油壽司。

卷物包括香蔥吞拿魚手卷、香芒海鮮卷、芝士軟殼蟹卷!

泰式天使蝦即是生蝦刺身，估不到又不錯!

炸物方面，喜歡榴槤的可點榴槤炸彈，我就揀一口芝士及芝麻雞翼!

串燒類中，鹽燒牛舌較值得吃!

飲品在店內自取，竟然有Kirin Beer及泰國啤Chang，那就要啤一啤了。

甜品是最弱的一環，主要放在飲品櫃旁的櫃子自取，但大都只是一些很細件的蛋糕，不太吸引。不過就有Movenpick雪糕供應，都算是較好的選擇。

小評:

用放題類別來評，這間的食物水準屬中等，刺身不錯。服務方面，店員的點菜效率高。不過，雖然寫著11點15分才收檔，但10點半時已叮囑客人叫Last order，然後趕著叫人先埋單，那是星期六晚喎，點解要咁趕呢，真係唔明點解!

 

至尊滿屋日本料理

地址: 九龍旺角彌敦道628號瓊華中心7樓全層

電話: +852 3622 2688

營業時間: 12:00-15:00; 18:00-23:15

---

請關注Facebook專頁:  YFL 生活博客 

Instagram: kelvinyfl