喺香港呢個地方生活真係好幸福！點解？因為有各種各樣美食囉。其實唔止種類多，連店舖營業嘅時間都特別長，令到一衆夜鬼都可以隨時嘆消夜。
正氣養生
其實我最多幫襯嘅深宵美食就係甜品糖水，不過我會揀一啲無咁飽肚嘅，例如桑寄心生棗蓮子茶，味道甘甘甜甜，貪佢夠正氣。
呢款甜品尤其受女性朋友歡迎，桑寄生屬補血藥材，能安胎、祛風養血、强筋骨、補肝腎、降血壓，聽說適合長者及孕婦服用。所以我呢啲成日開OT嘅打工仔，都要為自己補吓。
香滑配搭
另一個我選擇嘅，就係合桃溝芝麻！合桃糊要夠香，芝麻糊要夠滑，真係一個好正嘅配搭。不過講真要做好嘅芝麻糊一啲都唔容易，有好多時候食到啲又稀又唔香，真的不吃也罷！
相反如果食到好芝麻糊，即刻會覺得嗰間食店有料到，功力深厚，做事認真。西環正街的糖水，同埋北角書局街的都很有水準！不過我有時會外賣，或者叫Deliveroo送到公司比我，只因如果離開公司去食甜品，真係十萬個唔願意再返去繼續OT!
秀髮烏黑
相傳食黑芝麻（糊）有助令秀髮烏黑，單單係呢個理由就已經好吸引。之不過始終係糖水，又怕肥，真係令人又愛又恨！
黑芝麻：
黑芝麻藥食兩用，具有「補肝腎，滋五臟，益精血，潤腸燥」等功效，被視為滋補聖品。
核桃：
核桃中含有大量脂肪和蛋白質，而且這種脂肪和蛋白質極易被人體吸收。它所含的蛋白質中含有對人體極為重要的賴氨酸，對大腦神經的營養極為有益。
想知道我的最新動態，請關注Facebook專頁: YFL 生活博客
Advertisements
Instagram: kelvinyfl
如喜歡此文章, 請分享到:
Advertisements