關於Happy Hour，之前都說過許多廢話了 (可參考一系列舊文: #HappyHour)。
無論是星期一至五，只要是工作天，都需要Happy Hour來抖抖氣的。雖然已年屆大叔之齡，我慶幸自己沒有家庭負擔，唔洗每晚準時返屋企睇「愛‧回家」。既可以放工後做自己喜歡的事，又可以跟朋友們去飲下嘢，吹下水，我真心滿足於這條路。
星期一至五之間，星期三晚往往是餐廳和酒吧比較靜的一晚，因為有賽馬，亦可能因為是工作週的中間，有些人會感到疲累，唔想出街。如果有酒吧推一些特別的星期三Happy Hour套餐，我看仍然有吸引力。
W酒店的Woobar就看準星期三的檔期，推出逢星期三才有的Wine Derlust暢飲套餐，以HK$330 (加一服務費)的價錢，於晚上八至十的Happy Hour時段，任飲任添指定的紅、白酒。
可供選擇的酒來自意大利、澳洲、紐西蘭等地，水準屬於中上級，飲得過的!
除了葡萄酒任飲外，亦可任食一些適合佐酒的輕食，例如款火腿、芝士、麵包和生果等，像一個Semi-buffet般呢!
亦可額外點一些小食，那就點一客Burger!
Burger可自選芝士、醬汁及配菜，最精美的不是食物本身，而是Burger的Menu。
以黑膠碟形狀設計，寫著「Hold不住的漢堡」，忽然令我想起「擋不住的風情」，此時此刻，只限這晚，來吧! 我什麼都應承…
如此有型的酒吧，當然要配有型有格的音樂吧!
當晚打碟的DJ是Olivia Dawn，打碟之餘，間中又拉起小提琴，令整個場地的氣氛變得十分跳脫。
Olivia Dawn亦是W 香港酒店的音樂總監，原來不只懂打碟和拉小提琴，YouTube上仲找到她的唱歌片段!
星期三晚飲過酒，聽過輕鬆的音樂後，個人都鬆了許多。唔信? 約我去飲嘢吧!
Woobar
地址: 九龍尖沙咀柯士甸道西1號香港W酒店6樓 (港鐵九龍站)
電話: +852 3717 2222
營業時間: 10:00-01:00
請關注Facebook專頁: YFL 生活博客
Instagram: kelvinyfl
