以往去泰國曼谷市旅行，最常用的交通工具分別是BTS、的士及Tuk Tuk，近年多了Uber，就藉此分享一下在曼谷搭以上幾種交通工具的經驗。

大家都知曼谷市內塞車嚴重，如果去的地方在鐵路沿線，我都會選擇首選搭BTS或地鐵。不過，有些餐廳或店舖在橫街窄巷內，落車後仍然要去左行右轉才到。步行不是問題，但你知啦，曼谷一係就是熱辣辣，一係就是落大雨，兩者都同樣令你濕身。

所以，乘Tuk Tuk或的士就免郤搵路的問題。但Tuk Tuk及的士又有另一問題，就是要講價。Tuk Tuk一口價還比較好，的士如果開Meter的話，塞車及司機兜路的錢就難計了。如果唔開Meter，便要自己判斷司機開的價是否合理，有時司機分分鐘在半中途座地起價。

在曼谷坐的士，令我經常會感到勞氣的另一問題，就是明明寫了泰文地址給司機，他們都係話唔識去。有時他們又會用自己的方式演繹，例如你去要的地點是間法國餐廳，他們夠膽死車你去另一間法國餐廳，真係激鬼氣。不過，比起香港的司機，曼谷的士司機至少有禮貌得多。

Uber的出現，確實令遊客多了一個選擇。今年去曼谷旅遊，我搭Uber的數次就多過的士和Tuk Tuk了。Uber點到點的車程，可預先在手機上看到預算的車資範圍，方便作預算。我發覺如果有兩個人以上搭Uber，中短途分分鐘會平過BTS的。而且Uber用信用卡繳費，可以節省現金，把兌換了的現金來購物好過啦。

那麼，在曼谷搭Uber又是否完全沒有問題呢? 當然唔係啦!

首圥，Uber也擋不了塞車，雖然車資不會因塞車而大幅增加，但乘車時間跟的士一樣耐的。

第二，等車的時間真的好難觸摸，跟路面塞車有關，亦可能是司機自己的問題。明明顯示車子5分鐘就到，轉眼可以變成10分鐘，然後又跳回3再彈去5。正當等候時，如果有的士經過，你會取消Uber而上的士，還是繼續等呢? 我就選擇繼續等，最終由等5分鐘變成超過15分鐘才上到車! 那次的司機有點Tricky，未到時已設定為「已經到咗」，就當自己冇遲到!

第三，Uber在曼谷街上不能太光明正大，司機不能下車呼喚你上去，作為乘客便要一直留意車牌，看看是否已停在附近，亦要善用Uber App內「聯繫司機」的對話功能，告知對方自己的正確位置。

第四，上到車後又是另一回事。公道講句，大部份經驗都是正面的，真的會點到點，而且全程不用開聲說話，都能順利到達目的地。但間中亦有出現問題，例如開了GPS都是唔熟路，司機一般都不太懂英語，溝通上是有問題的。上車時，最好預備定地址，不要只依賴手機App呀。

比較幾種交通工具，其實沒有一種是完全可以取代對方的，個人仍然會以BTS做首選，遠程則是Uber勝於的士。不知是否因為多了競爭，這次感到曼谷的士司機態度改善了，有選擇才會有進步吧。

最後提提大家，未搭過Uber的朋友，可以用我的優惠碼: uberyflkelvin 試用，憑此碼首次乘搭可節省HK$50，登記連結在此: uberyflkelvin

 

---

(廣告)

出外旅遊，有全面的旅遊保險是您的最佳保障！