【旅遊神戶】神戶食平DD的選擇: Ikinari Steak – 貼地價錢吃高質牛扒

這趟去神戶一日遊,午餐吃過神戶牛,兼且已用了當日的大半Budget了,於是晚餐要睇餸食飯,要「食平DD」。

走出元町至三宮駅的步行街,便會見到一些較平民化的店舖,亦較多本地人來往。

穿過地鐵的架空天橋底,便到達Ikuta Road,一條較地道及平易近人的商店街,比起三宮駅的大型商場,這街上的食店較為Casual,選擇也多,尤其以燒肉店最多。

神戶牛專門店雖然也多,但價錢又不便宜。既然日間已吃了神戶牛,心想晚上不一定要吃同樣的質素食物吧!

揀下揀下,依然揀了食牛。

這間Ikinari Steak是連鎖集團的大眾化牛扒店,在日本全國有很多分店。價錢是這店一大賣點,難怪需要排隊入座。幸好我到達時間只是黃昏六點多,等了大約5至6分鐘左右,便可入座。

內裡佈置成美式牛扒屋,座位比較迫,站住吃可能比較舒服,位與位之間有間隔,像拉麵店般,似乎頗適合一個人來獨食。

牛扒以重量來定價,由6至10円per gram不等,視乎牛扒的質素和油脂份量等。供應的牛肉有日本國產包括神戶牛,亦有美國牛,最貴的是國產20日熟成牛。

點餐要先揀牛肉及重量,他們貨真價實,在你面前磅重,然後開單,之後便回座位等上餐。

上菜效率也頗高,不消幾分鐘,便端上熱騰騰的牛扒了。

我揀的不是最貴的神戶牛,而是油脂度較高的日本牛肉眼扒。

牛扒煮成Medium rare,肉汁豐富得很,咬落牛味也頗濃,跟貴價牛其實相距不大 (個人意見而已,證明我唔識食吧)。

這樣大吃300g牛扒,連同啤酒、沙律和白飯,都只是2800多円 (港幣大約190元),確實非常抵食!

旅遊未必一定要食得貴,便宜也有不錯的質素,個人就幾滿意這牛扒餐了。座位雖然不是太舒適,但像我這樣要匆匆食完就走,趕搭JR的話,這種快餐式牛扒確實是個很好的選擇。

 

Ikinari Steak(神戶三宮店)

地址: 日本〒650-0012 Hyogo Prefecture, Kobe, Chuo Ward, Kitanagasadori, 1 Chome−9−11

交通:JR三ノ宮駅徒步約2分鐘

Google Maps地點


請關注Facebook專頁:  YFL 生活博客 

Instagram: kelvinyfl
Instagram

 

廣告

新增回應