香港有好幾間食店叫生記，灣仔那間生記不同紅磡這間。每次來紅磡生記茶餐廳食飯，總會跟旁邊的「大酒店」聯繫上，因為實在很近了。今次亦是因為出席完親戚的白事，然後在附近搵地方食飯，便再來到這店。隨著人越來越老，這些白事場合只會越來越多，人未至於麻木，但確實對生命的睇法比前看得開了許多。
其實不用太悲哀，既然來食飯，就要開心地吃，飲杯啤酒吧!
這間生記早幾年曾經成為紅磡區內名店，很多電視節目來過採訪，亦有不少名人幫襯過。這天可能因為下雨，相對較為冷清。
「招牌蟹粥」
曾經在這裡食過很綿且充滿蟹油的羔蟹粥，成隻蟹連殼連膏都放進粥內，必定很鮮甜。今次水準略為失色，粥底依然軟綿綿，但可能今日的蟹唔夠靚，鮮味好像不能完全混進去似的。
「蠔仔蒸粉卷」
一客四件，每件都有好多隻蠔仔在內，非常足料，粉皮亦見煙韌，香蔥和芫茜令蠔的濃味更突出。
「粉絲蒸蟶子」
蟶子鮮甜而彈牙，粉絲和蒜蓉份量並沒有過份的大，剛好地沒有蓋過海鮮的原味。
來一客「豉油王炒麵」炒得乾身而均勻，好適合伴啤酒!
吃完後，雨還在一直下著，無論紅事或白事，其實都是生活事，生活還是要繼續，但願各人都安好呀!
(點解我寫嘢咁長輩圖Style?)
生記茶餐廳
地址: 九龍紅磡老龍坑街13號地下 (港鐵何文田站 B1 出口)
電話: (852) 23347573 / 97908882
營業時間: 18:00 – 23:00
一齊講飲講食講旅遊 Facebook群組: 生活博客吃喝玩樂
Instagram: kelvinyfl
Advertisements
YouTube: Kelvin Leung
如喜歡此文章, 請分享到:
Advertisements