【生日飯2018】尖沙咀中價燒烤扒房- The Grill Room
每年小弟生日，都總會揀一間西餐廳來慶祝的。通常挑選的準則是不會太貴太離地，亦不會去一些要穿Formal dress的餐廳，而偏向選中價錢又感覺輕鬆的地點。雖然餐廳是自己揀，但叫人請食飯就無謂咁貴啦。今年生日正日是星期五，又撞正世界盃，原先心水的餐廳告滿座，當日臨時找到這間位於尖沙咀的The Grill Room，快速地訂位，吃了一頓晚餐。
The Grill Room位於一幢服務式公寓內，內裡格局也採較為輕鬆活力那種，氣氛都頗適合作慶祝生日用途的。
餐廳顧名思義是賣燒烤食物為主的，套餐價錢介乎$200幾至$400左右，合符預算。(睇開我文章的朋友可能都留意到，我真的好在意價錢，無計，錢極有限，有時候真的唯有將貨就價)
生日都想食得好少少，不會揀最平的，郤想据個扒，於是選了主菜 Angus Rib Eye 16oz ($398)
加$88有兩杯酒，我在紅酒的三個選擇中選了意大利酒 (Primitivo: Italy, Puglia, 2014)，甘而帶微微澀味，好匹配今晚的牛扒。
前菜為三文魚他他配香草乳酪汁，三文魚吃落像有八九成熟，以Tartare來說似乎煮得過熟，減低了應有的滑溜感。
友人的前菜是巴馬火腿溫泉蛋配黑松露筍沙律，望落就吸引得多了。
主菜安格斯眼扒，我要求煮成Medium rare，出來效果似Medium多一點，嫌肉汁不夠豐富，好在肉質仍可以地嫩腍。反而幾喜歡個薯蓉，煮成薯泥狀，滑得像燉蛋般。
一早知的生日Cheesecake，不用扮驚喜啦，仲細咩!
這餐水準雖然普普通通，但生日飯不用計較那麼多，我好易滿足的。
這篇其實不算是食評，水準好過這間的大把啦，只是今晚剛剛遇著，緣份帶我到來這裡，就寫下來作紀念。
生日感想:
在此亦不吐不快，像我這類的飲食博客好多時都被人誤會，覺得我們寫出來的都是繕稿，更見到有網民說「唔係有人請你地食，無啦啦點會寫得咁仔細」。我不想評論其他人，至少我自己就是喜歡寫字，什麼都寫一餐，有時興之所至會寫得有點長。有時寫海外的景點，不單只打埋地址，連Google Maps地點連結都放埋落去，只希望睇到的朋友會覺得有用。我明白睇文的人大部份都不會按讚或留言，也不會多謝，但這些都不是我祈望的回報。只希望將來有一日，當你記起香港的Blogger，請你想起我，想起一個曾經認真分享過生活的網民，懷念我令你肚餓過!
The Grill Room
地址: 九龍尖沙咀堪富利士道6-6A號爵寓2樓
電話: (852) 28976288
營業時間: 12:00 – 15:00; 18:00 – 20:15; 20:30 – 23:00
相關文章:
【生日飯2020】ATUM Restaurant – 黃得有水準的Casual dining餐廳!
【生日飯2020】偽Hipster大叔的生日- 半島酒店大堂茶座四道菜Birthday Rewards!
小弟首本著作《吃破世情》即日起在三聯、商務、天地、誠品等各書局有售，同時可於博學網上書店訂購，請Click入以下圖片查看!
相關文章:
【生日飯2019】鮨一日本料理 (尖沙咀) – 值得紀念的7月20日
【生日飯2019】牛繁 (尖沙咀) – 沒有蛋糕，但有燒肉的生日飯!
麻甩生日飯2018: 叔叔們相約「聚興家」! (米芝蓮車胎人推介)
一齊講飲講食講旅遊 Facebook群組: 生活博客吃喝玩樂
Instagram: kelvinyfl
YouTube: Kelvin Leung
