經常有朋友問我: 「你食唔食得辣嘢?」,以前我會答「唔辣得」,現在則可以答: 「中辣都可以」。食辣是一種鍛鍊,要慢慢習慣就可以了。早前,我就吃過一頓可以叫做「辛潮中菜」的麻辣小菜晚餐,既有辣度,又不乏創意,值得分享給大家。
該晚去位於尖沙咀的煌府婚宴專門店,點了三道辛辣菜,包括「噴香八味鮮辣蟹」、「酸辣香橙骨」、「鮮辣紅湯炆鍋」。
「酸辣香橙骨」外觀像一道平時吃慣的糖醋骨,但是不要被外表騙到,以為定是酸酸甜甜那種,誰知一吃落,除了酸和甜之外,還有微辣,有驚喜。這種微辣是很開胃那種,所以我會覺得這道是開胃小菜。
「鮮辣紅湯炆鍋」
之前在網上睇過一條由Ben Sir介紹的片,就是講這道「無水火鍋」小菜。「無水火鍋」其實在近年頗為流行,以最少的水來炆,令食物的鮮味更為突出。
內裡的食物有雞件、蝦、腐皮等,加上川辣醬汁,食物鮮甜得來亦好惹味。
「噴香八味鮮辣蟹」則是一道混合湘菜和川菜風味的菜式,用上4種辣椒,共8種複合辛味炮製而成。初初吃第一口時,並不覺得太辣,但吃落去就開始嚟料,不是單調的辣,而是混合著香、鮮、甜、麻、辣等多種層次的味道,每一啖都有不同的感覺,尤其香甜味真的好出。
這餐飯確實辣得出色,有層次得來,並不難接受。正如開首所講,吃辣是要訓練的,就如人生歷練一樣,需要自己去領略和探索。
中菜著實可以有好大變化的,你仲敢講中菜好古板嗎?
煌府婚宴專門店 (尖沙咀)
地址: 尖沙咀廣東道30號新港中心3樓307號舖
電話: (852) 3417 9888
營業時間: 星期一至六11:00 – 23:00; 星期日10:00 – 23:00
一齊講飲講食講旅遊 Facebook群組: 生活博客吃喝玩樂
Instagram: kelvinyfl
YouTube: Kelvin Leung