尖沙咀有立食壽司店! 立鮨 – 要企定定響度!

常去日本旅行的朋友都知道,日本市區頗多立食店,有立食拉麵、烏冬、壽司店等,幫襯的客人通常快食快閃,但供應的食物又並非快餐那種質素,其實跟有座位的店子無異,只不過是「土地問題」,店舖細所以省去座位吧!

香港有冇立食壽司店? 我第一時間想起銅鑼灣鵝頸橋旁那間「隨你鍾意」,雖然主要是外賣店,但都有不少人在店內即食即立食,質素就…大家知啦! 灣仔碼頭那間築地‧山貴水產市場也設過立食區,但眼見客人還是選擇坐低。

立食在香港真的沒有市場?

如果是地舖,個人認為立食都幾好呀,尤其午飯時間,食完就走,不用逗留太耐,我覺得可以接受。

尖沙咀金馬倫道去年底就開了一間立食壽司店「立鮨」,店內一個座位都冇,個個要企定定。

見是立食店,就要預咗店子不會大,我通常都是午餐時間一個人去吃,不用特太久就有位企。如果幾個人來到,就要等一陣,當然是企響度等啦。

雖然沒有椅子,店子還算貼心地設置衣架和掛勾給客人掛大衣。

除了單點壽司外,還供應壽司盛合及魚生丼飯。要吃得飽的話,每人大約消費約$150至$200元。

店內其一招牌作: 大滿足海膽特盛 ($98) 即是海膽杯,據講用的是北海道海膽,種類視乎貨源而定。大量的海膽滿到瀉,鮮甜滑溜,非常美味,而飯的份量也不少,飯粒均勻地充滿醬油香。吃完雖然未至於大滿足,但都算滿意了。

單點壽司則吃過「火炙本鮪赤身」($20),手握技巧還可以,火炙程度也恰好,$20一件算抵了!

特上北海道魚生飯 ($158)

有五款魚生包括北海道帶子、甜蝦、海膽、三文魚、飛魚籽,如果大碗一點點,海膽多一點點,三文魚換成其他刺身,可能會更吸引,現在則普普通通而已。

套餐還包一客沙律,另外,有自助沖綠茶的。

對我來說,企響度食壽司是完全沒有問題,轉身走也容易。這店的質素雖未至於驚喜,但合格有餘,價錢還算合理,水準好過食多賣店好多。我會當這店為輕食店而非吃到好飽那類,行過尖沙咀以去企企食幾件壽司就走。

 

立鮨

地址: 九龍尖沙咀金馬倫道23號金馬倫廣場地下D

電話: +852 2836 3830

營業時間: 12:00-23:30


請關注Facebook專頁:  YFL 生活博客 

Instagram: kelvinyfl
Instagram

廣告

新增回應