東京人氣拉麵店抵港! 「麵屋一燈」大師拉麵進駐尖沙咀海港城!

香港人已經食慣日本拉麵,就算什麼米芝蓮拉麵都難再引起好大熱潮了!

這間「麵屋一燈」又點睇呢!

「一燈」這名字當然是大師才會用得上,這品牌在日本一些飲食網站如”tabelog.com”,評分頗高的,在東京的店尤其經常要排長龍。我沒有光顧過東京店,想起要排隊就怕怕了,況且東京一街都係拉麵店啦。

一燈今年一月登陸香港,分店設在尖沙咀海港城LCX樓層。我到訪是在二月底,還在「試業」階段,門外畫好了圍欄,方便拉麵迷排隊等候進入潮聖,但以我多日來所見,中午一時半後都完全不用排隊,便可直入。

雖然場內未至於冷清,但確實不是新開一個月的店該有的模樣,點解呢?

可能是定價問題?!

進入店舖前,便要先點選食物。暫時供應三款沾麵及八款拉麵,每碗平均要$140左右,比香港同類拉麵店貴接近50%,而東京店也只賣1000円左右一碗,即港幣$70左右,即是說香港貴成倍,可能嚇窒了拉麵迷也未定!

店內環境

門口那邊有日式盆景,以及寫上「一燈照隅 萬燈照國」的字句!

店內比一般拉麵店寬闊,既可向著廚房坐,又可以對著郵輪那邊的海港景,整體感覺像日式料理店格局多於拉麵店。

品牌最出名是魚介沾麵,但我比較鍾意食拉麵,所以點了「特製濃厚魚介拉麵」($158)。

據介紹說,白湯底是魚介雞湯,用上魚乾和干貝等材料加上秘製調味,以72小時來熬製。

先喝一口湯,感覺非常之濃,富雞肉及魚味,油滑感重,未必人人接受到的濃及稠,我郤接受到,而且甚為喜愛。

這碗麵有雞肉及豚肉叉燒各一片,都是慢煮出來的,兩者都切得較厚,郤又不失柔軟和滑溜,肉味也足。

最獨特是自家製雞肉丸子,夾起來有點像中式的鯪魚球,只是較為腍身,帶有爽脆感,跟油香的湯相反,但又起了中和作用。

麵條掛汁度高,盡吸收了濃湯的滋味。但一夾起時,有些麵條斷開了,如非個麵團本身如此,就是廚子不夠細心,我偏向覺得是後者。有時候,一些細節就顯現出日本和香港的分別。

除此微小不足之外,整體來說,我仍滿意這碗拉麵。不過,仍覺得定價太太高。相比同商場的Tsuta蔦 (文章在此),無論質素和價錢,我都會揀蔦。

或者沾麵會更好一些也未定,有時間又有剩錢的時候再來吃碗,看看水準又如何。

 

麵屋一燈

地址: 九龍尖沙咀廣東道3-27號海港城海運大廈3樓LCX 32號舖

電話: (852) 3102 3299

營業時間: 期一至日11:30起(售完即止)


請關注Facebook專頁:  YFL 生活博客 

Facebook群組: 生活博客吃喝玩樂

Instagram: kelvinyfl
Instagram

 

廣告

新增回應