【韓燒放題】旺角兆萬韓燒: 平昌Pyeong Chang – 樓下大媽唱歌,樓上90後狂歡!

我有時都會食放題和韓燒,但又好怕去旺角兆萬,皆因條西洋菜街太多人,尤其週末,隨處是大媽大叔唱歌的聲浪。我並無歧視之意,如果唱得好都話啫,但我真係唔識欣賞,只覺得是嘈音。

不過,走上兆萬13樓食韓燒,或許是一種逃避嘈音的方法。但避開了大媽,郤換來90後在放題聚會的「開心狂歡」聲浪,樂觀點去看,二揀一,你揀什麼呢? 旺角就係咁架啦!

兆萬13樓的韓燒都食過好多次,以前店名叫「BBQ 7080」,去年改名為「平昌Pyeong Chang」,更貼近韓國文化。

價錢跟以前差不多,我在週末9點到訪,每位$208 (兩小時),屬經濟價。

任點食物方面,豬肉比牛肉吸引。

基本的五花腩、五花肉、豬頸肉等都有齊,亦有幾款醃肉的選擇。

牛肉基本供應的則只有牛仔骨、牛肋骨、牛脷等,如果要雪花肥牛及其他較靚牛肉,則要額外加錢了!

海鮮類有蝦、魷魚、鯖魚、帆立貝、生蠔等,隻蠔細粒到呢,像豆豉般!

自己燒肉自己燒、自己剪!

我喜歡包生菜吃,零舍爽脆的!

任取飲品櫃有韓國啤及韓國汽水,這款忌廉Cider也不錯!

店內供應多款韓國酒,當然要加錢啦!

改了名之後,這次幫襯就發覺服務質素改善了,少了漏單的情況,店員亦主動來換鑊,及添加生菜。基本食物還算…可以,只是海鮮類明顯較弱。如果任食牛肉的選擇多一點,就會覺得更抵食!

 

平昌Pyeong Chang

地址: 九龍旺角西洋菜街1號兆萬中心13

電話: +852 2612 1682

 營業時間: 15:00 – 00:00


請關注Facebook專頁:  YFL 生活博客 

Facebook群組: 生活博客吃喝玩樂

Instagram: kelvinyfl
Instagram

廣告

新增回應