長沙灣覓食: 絕對空虛、寂寞、凍的車仔麵 – 三郎麵燒屋

長沙灣保安道近明愛醫院的一個角落,早幾年曾經有一間叫Holly Chef的小店,出名賣非常邪惡的拉芝多士,都在此區紅過一段日子,紅得快又走得快,去年郤靜悄悄地結業。換上的是更為本土風格的「三郎麵燒屋」,賣車仔麵加燒物。其實食物不怎麼樣,但窗戶掛著的「空虛 寂寞 凍」燈管郤引起我的興趣!

「我空虛 我寂寞 我凍」

有番咁上下年紀的朋友,應該記得這句歌詞來自1986年林憶蓮的「放縱」,這首歌當年唱到街知巷聞,副歌一句「我空虛 我寂寞 我凍」成為很多人的口頭襌,後來有些電影都用以這句歌詞做對白,我諗林憶蓮當年點都估唔到這句歌可以在30年後都被人記起!

空虛、寂寞、凍又關車仔麵乜嘢事?

我自己就只會在一個人的時候才食車仔麵,從來不會叫朋友陪我食,有伴的時候,真的不會建議「不如我地食碗車仔麵啦!」,諗起都覺得好麻甩,你話食拉麵或雲吞麵就話啫。

三郎麵燒屋的位置處於比較靜的舖,鄰近是車房、醫院和重建中的蘇屋邨,但店子比起上一手的Holly Chef人流差一截,可能都會令人感覺寂寞。

說回車仔麵!

這種港式美食,要做得好難食其實都好難,除非煮的人真的好hea。只要入貨的食材不差,處理得宜,例如醃得恰當,至少都會OK的。

這店又並非專賣車仔麵,看點菜單就知,車仔麵跟串燒是一半半。

車仔麵料有廿多款,還算是包括了傳統常有的食物,例如豬皮、咖哩魚蛋、雞翼、紅腸、豬大腸、牛腩等。

舊區有舊區好,一碗$23 包兩餸,顯然是長沙灣街坊平民價!

豬皮不是炸的,而是咖哩,不算太放縱的咖哩味,但爽爽滑滑仍是可以一吃的。

鹵水豬大腸內外都頗為軟腍,吃落口不會絕對空虛。

燒物方面,我只試過燒雞翼,都是那句: 中規中矩!

這晚雖然有點寂寞,但已到了春天,我並不感到凍!

店子營業至凌晨一時,或許晚上感到萬分空虛兼寂寞時,會想起食車仔麵或串燒也未定!

 

三郎麵燒屋

地址: 九龍長沙灣保安道401-405號昌暉大廈地下12號舖

電話: (852) 3705 2161

營業時間: 12:00 – 01:00



相關文章: 長沙灣覓食: 寒冬下的溫暖煲仔飯 – 雲南老巷


請多多關注Facebook專頁:  YFL 生活博客 

一齊講飲講食講旅遊Facebook群組: 生活博客吃喝玩樂

Instagram: kelvinyfl
Instagram

 

廣告

新增回應