上環覓食: 但願不只是海膽…海鮮丼 @ 海膽屋

其實我並唔知道點解去日本一定要食海膽丼,或者點解食丼飯一定要滿佈海膽,我並非討厭海膽,但亦更愛其他刺身。只不過想說明一點,選擇食物或任何事都好,都不一定要循規蹈矩。所以,我通常會選擇一碗丼飯內有多款同份量的海鮮,而海膽呢,間中少少地食下就足夠了。

這晚又來到上環! 原本做完Gym後便打算坐地鐵離開,郤在永樂街港鐵出口(A出口)隔離看見這間「海膽屋」,既然都未食晚飯,不如在此食完才搭地鐵吧!

這個近地鐵出口的舖位,相信在日間會好受附近上班族歡迎的。店內設堂食,亦可外賣。

當小食的話,可以買個海膽手卷作外賣,但我就想食丼飯。

店內有超過廿款丼飯選擇,真的眼花撩亂。

這店供應的海膽多數是加拿大的,如果想要成碗都係海膽,當然可以點二百幾的海膽丼,但索性點一板海膽來食。

除了丼飯外,這店會賣其他海鮮,例如生蠔、元貝等。

我這晚其實想要刺身多一點,於是點了「油甘魚+吞拿魚丼」($98),另加一格加拿大海膽($45)。

刺身丼端上時,海膽是獨立上的,可自行撈進其他海鮮內。

油甘魚和吞拿魚都切得成一cm厚,而且大塊得很,新鮮度尚算可以,沒有雪味,但感覺不夠油滑。

海膽寫明是加拿大的,色澤頗鮮艷,質感亦較豐腴,其實跟日本的各有所長,並非一定要食日本海膽的。

丼飯跟一杯麵豉湯!

這店賣平均一百頭一客海鮮丼並不算貴,水準則屬中上,勝在地點方便,日後經過上環時,可以再幫襯。

 

海膽屋 Uniya

地址: 上環永樂街28-34號東成商業大廈地下A

電話: +852 24092409

營業時間: 12:00 – 22:00


請多多關注Facebook專頁:  YFL 生活博客 

一齊講飲講食講旅遊 Facebook群組: 生活博客吃喝玩樂

Instagram: kelvinyfl
Instagram

 

廣告

One thought

新增回應