【飲食吹水區】好食但食唔飽,你真係樂意接受嗎?

雖然幾多粒星的餐確實是吸引,也許亦是一種虛榮,而且當見到賣相別緻得像藝術品時,我都會讚嘆「這個廚師真的好有創意呀!」。不過,好唔好食又是另一回事。但是,玩IG的人十居其九都唔睇字架啦,只要張相靚,你寫難食他們都不會理。

今次並非想講賣相,而是想講飽肚的問題。還記得以前銅鑼灣有間既有得學煮食又有供應Fine dining的「煤氣」餐廳,我就對此有好深刻印象,因為十多年前在此奉獻了人生第一次貴夾唔飽的晚餐。當時剛剛興起用一些比個頭更大的餐碟,但中間只有比個飯碗還要細的凹入處來裝食物,而盛裝的食物郤只是幾口就吃得完的意粉及一粒所謂「大蝦」,就算餐湯都是幾啖的份量。甜品仲細,得一粒半月型的雪糕/雪葩加幾粒朱古力餅碎,這樣3至4道菜加半杯酒就叫做Fine dining。吃畢後,回到家裡要煮碗即食麵才行。

(圖片並非來自以上所講的餐廳,當年未興影食物相)

之後興起的份子料理也是這樣地貴夾唔飽的,一眾名人食家當然都讚不絕口,名家們的評論好少呵包括飽肚這個準則。我都明白的,當人家興高采烈地說世界幾多大排名的餐廳有幾出色,如果你一句問那餐食到飽唔飽,或者人家會覺得你膚淺、層次低。可惜我真係層次好低,除了要求創意和精緻外,我日頭做到咁辛苦,又花那麼多錢來食一餐飯,都要食得飽的嘛!

吃法國或意大利菜,如果主菜份量不夠大,麵包如可以任添就可補回不足!

我吃韓燒時,通常都會叫一碗白飯,加上燒肉包生菜來吃,那就一定飽!

點解鍾意吃日式丼飯及定食? 就是因為有大碗飯囉!

我都會繼續食貴夾唔飽的「高級藝術餐」,間中一次OK的,但始終不能成為最愛,最多只能是逢場作慶,當見識一下大廚的手藝就夠了。

於大部份的日子,我都只不過想要一餐吃得飽飽的普通晚飯,給我氣力繼續生活吧。

吃得飽是人生的基本要求,其實都不是必然的。

當你吃得飽時,應該要心存感恩,珍惜自己可以那麼幸運呀!


請多多關注Facebook專頁:  YFL 生活博客 

一齊講飲講食講旅遊Facebook群組: 生活博客吃喝玩樂

Instagram: kelvinyfl 

 

廣告

新增回應