【吃破世情】你到底飽唔飽?

雖然什麼幾多粒米芝蓮星的餐是有吸引力,亦也許只是一種虛榮。正如當見到賣相別緻得像藝術品時,我都會讚嘆「這個廚師真的好有創意呀!」。不過,就算幾好睇又好食,但是食得飽唔飽又是另一回事。

飽肚真的是基本的要求,試問如果你不肚餓,走進餐廳幹什麼?俾錢陪人坐呀?

貴夾唔飽的經歷

還記得很多年前,銅鑼灣有間既有得學煮食又有供應Fine dining的「氣油」餐廳,我就對此有好深刻的印象,因為就在此獻出了第一次,人生第一次食了餐貴夾唔飽的晚餐。當時剛剛興起用一些比個頭更大的餐碟,中間只有比個飯碗還要細的陷入處來裝食物,而盛載的食物郤只是幾口就吃得完的意粉,及一粒所謂「大蝦」,就算連餐湯都是這樣的份量。甜品仲細,得一粒半月型的雪糕或雪葩,再淋一些像芝麻粒般大小的白朱古力,這樣三至四道菜加半杯酒就叫做Fine dining。那天晚上吃完後,回到家裡要煮碗即食麵才行。

(圖片並非來自以上所講的餐廳,當年未興影食物相)

之後興起的份子料理也是這樣地貴夾唔飽的,一眾名人食家當然都讚不絕口,名家們公開的評論好少會包括「飽肚」這個準則,但私底下他們都會都要投訴的。我都明白的,當人家興高采烈地說世界幾多十大排名的餐廳有幾出色,如果你問人一句「那餐飯食得飽唔飽呀 ?」,或者人家會覺得你膚淺兼層次低。可惜我真的屬於好低層次那類,除了要求創意和精緻外,我花那麼多錢來食一餐飯,點都要食得飽的嘛。

吃法國或意大利菜,如果主菜份量不夠大,麵包如可以任添就可補回不足!

我吃韓燒時,通常都會叫一碗白飯,加上燒肉包生菜來吃,那就一定飽!

點解鍾意吃日式丼飯及定食? 就是因為有大碗飯囉!

食飽是基本要求

我其實並不抗拒貴夾唔飽的「高級藝術餐」,依然都會繼續去吃,但始終不能成為我的「常餐」,最多只能是逢場作慶,當間中見識一下大廚的手藝就夠了。

於大部份的日子,我都只不過想要一餐吃得飽飽的普通晚飯,給我氣力去繼續生活。

吃得飽是人生的基本要求,其實都不是必然擁有的,很多人要幾艱難才可以有飽飯食。今餐當你吃得飽飽時,雖然會多了個小肚腩,但無論食物質素如何都好,應該要知道自己好幸福呀。


請關注Facebook專頁:  YFL 生活博客 

Facebook群組: 生活博客吃喝玩樂

Instagram: kelvinyfl 

 

廣告

新增回應