【飲食吹水區】當食物完全不像你預期!

很多時去外國旅遊,尤其去日本,我都會好驚訝點解端上的食物可以做到跟餐牌的圖片及門外的模型一模一樣的呢! 在日本,食物做到預期效果是common sense,但在香港做唔到是好make sense,究竟是日本人太細心,還是香港人太不在乎?

在Photoshop的年代,執相易過借火,餐牌和廣告上美輪美奐的食物照片,有幾真大家都心知肚明。在香港用餐,我已經把預期降低了許多,已經不再要求擺設出的食物跟照片100%一樣。如果去快餐店或茶記,橫豎都只是求其搵嘢充肚,擺得唔美觀我已經放棄跟你計較了。換轉是一些較高級數的餐廳,要求當然要高好多。不過,餐廳都醒目的,有時會說成是個廚師性格「隨意」,所以每次都會有不同,是否美觀或是否好味,既睇個廚心情,又睇你的彩數。

以上談論的情況,公平一點,又不能只針對香港,其他地方的餐廳也會有如此不似預期。有時候,去光顧一間有期望的餐廳,都是一種賭博,贏幾多輸幾多都是整定的,而且輸完可以再賭過,你唔服輸的話,咪俾多次機會佢囉! 不過,飲食跟賭博或買投票一樣,都係要止蝕,一次唔對版,兩次又係咁,就要快斬纜,買過另一隻吧!

雖然沒有要求,但是都不要太求其啦!

有時不似預期亦不一定是壞事,你以為是烏冬,原來是甜品,這種不似預期就會令人開心的!

人生每天都會有不似預期的事發生,願望落空是十分平常事。做咗幾十年人,對所謂預測都有些麻木了,偶爾有一些達到預期效果的事,都會有點兒興奮的。就是因為偶然有次似預期,才會令人繼續有期望,才不致於放棄自己。

正面一點去看,只要你不斷去追尋,事情總會有一天達到你的預期,那管結果只是做到預期的90%,你都是贏了吧!


請多多關注Facebook專頁:  YFL 生活博客 

一齊講飲講食講旅遊 Facebook群組: 生活博客吃喝玩樂

Instagram: kelvinyfl

廣告

新增回應