【吃破世情】當食物完全不像你預期!

(以下文章將收錄於小弟2019年5月發行的新書《吃破世情》內,敬請留意!)

(抄襲必究)


很多時去外國旅遊,尤其是去日本,相信好多人都跟我一樣,好驚訝點解端上枱的食物可以做到跟餐牌的圖片及店舖外陳列的模型一模一樣的呢。

在日本,食物做到預期效果是 “common sense”,但在香港做唔到是好 “make sense”,究竟是日本人過份細心,還是香港人太不在乎?

降低預期

在Photoshop的年代,執相易過借火,餐牌和廣告上顯示的美輪美奐食物照片,有幾成真大家都心知肚明。在香港用餐,我已經把預期降低了許多,早已不再要求放上餐桌的食物跟餐牌照片百份百相同。如果去快餐店或茶記,期望會更低一點,心想橫豎都只是求其搵東西填肚,就算擺放得不美觀,我都覺得無謂跟你計較咁多了。

換轉是一些較高級數的餐廳,要求當然要高好多。不過,餐廳都醒目的,有時會說成是個廚師性格「隨意」,所以每次都會有不同,是否美觀或是否好味,既睇個廚心情,又睇你的彩數。

公平一點,以上談論的情況,又不能只針對香港,其他地方的餐廳也會有如此不似預期。有時候,去光顧一間有期望的餐廳,都是一種賭博,贏幾多輸幾多都是整定的,而且輸完可以再賭過,你唔服輸的話,最多就俾多次機會佢囉。

不過,飲食跟賭博或買投票一樣,都係要止蝕。一次貨不對版,兩次又係咁,就要快斬纜,買過另一隻吧。

 

有時不似預期亦不一定是壞事,這間餅店的師傅定期會創作一些「鬼馬蛋糕」,圖中這碗東西,看似是烏冬,原來是甜品,這種不似預期就會叫人很開心的。 (旺角帝京餅店)

不要失去期望

人生每天都會有不似預期的事,願望落空早已成為家常便飯。做了幾十年人,對所謂預測都有些麻木了,我有時很怕預測,因為怕失望。當沒有太大期望時,偶爾有一些達到預期效果的事發生,就會有點兒興奮的。

我亦沒有可能做到完全沒有期望,否則,為什麼還要在人世呢? 當預了大部份時間會失望時,只要偶然有一次似預期,就會令人繼續有一絲期望,才不致於放棄自己。

來正面一點去看吧!

只要你不斷去追尋,總會有一天達到你的預期,那管結果只是做到90%,你都是贏家了。


請關注Facebook專頁:  YFL 生活博客 

Instagram: kelvinyfl

廣告

新增回應