【飲食熱話】你食飯前會花幾多時間影相?

「相機先食」早已是都市人生活習慣,已經不是什麼值得討論的話題。對於我這類Soical Media人來說,如果送上食物而不拍照的話,通常不是我的問題,而是食物不值得我拍。

不拍照通常不外乎兩個原因,一是食的東西外觀太平凡甚至太樣衰,第二或者是食一些經常都食慣食熟的食物,例如一般早餐、茶記、燒味等等。

如非一早預計會寫的晚餐,及一些邀請飯局,會帶備小相機外,其餘時間我都只會拿手機影相的。貪方便是一個原因,另一個重要的因由是我好怕影響到其他人。無論用手機或相機影,我都會盡量快拍,盡量在半分鐘之內影完,等大家有得食。如果同枱全是傳媒及Social media人還好,大家都會體諒,但假如跟至親朋友食飯時,對方為什麼要等你轉完360度影100張,然後又再自拍呢,俾著我都覺得難忍啦。

又想起一個經典例子,早幾年有次去blogger tasting飯局時,有位妹妺仔一句話都冇講就將成碟食物拿去另一角,自己影咗幾分鐘才放回原有的桌上,成為一時「佳話」。

21世紀的餐桌禮儀上,應該加入一項相機先食的規則,界定返該怎樣拍照、限拍多久、拍照前後該說什麼等才不會令同枱的人不滿。就算你認為自己是公主王子,有時候口是要開的,幾熟的朋友都係咁話。

總之一句,嘢係煮來食不是煮來影的,而且最好要趁熱食,宜盡快影完盡快食埋佢,大家開心啦!


請多多關注Facebook專頁:  YFL 生活博客 

一齊講飲講食講旅遊Facebook群組: 生活博客吃喝玩樂

Instagram: kelvinyfl 

YouTube: Kelvin Leung

廣告

新增回應