【飲食熱話】餐廳食物「CP值」和「性價比」真係有得計?

相信睇慣華文食評的讀者們,都會經常見到食評家及傳媒用什麼CP值高、性價比高等字眼來形容菜單的價錢是否合理。看似好專業的字眼,其實是否有人會很認真地用計數機計出CP值,然後告訴你Ratio是多少,「真係好抵呀!」之類的結論呢。我好似無見過人咁逐樣計,所謂CP值、性價比都是估出來啫!

我都用過類似的字眼,那就無謂再自打嘴巴了。但是,個人認為CP值、性價比等字都是少用為妙,除非你自認計算得客觀又準確啦!

食物價錢這回事,雖然是因人而異,對我等低下層人士來說,香港所有每位500蚊港幣以上的套餐我都不會說很便宜,過千元的就更加不要說吧。只要稍為去過外國旅遊就知,香港地食飯真係普遍貴,有些仲貴得好離譜。

導致食物賣價貴,租金是第一元凶,你個餐大部份錢都去了俾租。第二大原因是人工和服務,我明,我真係明,餐廳要做多兩轉客,冇時間好好招呼你嘛,錯漏難免嘛,但是否真係要包容呢? 香港餐廳的侍應冇笑容又係咪正常? 還是我們習以為常吧!

如果真的要計CP值,服務、笑容、有冇漏單錯單等又是否應該計埋落去呢? 你可以試下在食評上寫餐廳服務態度差,然後俾個劣評佢,我諗你應該會得到兩個好極端的回應。網民最鍾意睇人PK,你寫得人地衰,實有人會和應。但另一方面,又會有人覺得你「懶巴霸,你估你係天王巨星,冇嘢搵嘢來講」。

講到底,食評人怕被人攻擊,餐廳又未必想聽真說話,只想你少罵當幫忙。我並非鼓勵大家投訴,只是想餐廳明白其不足之處,否則,飲食界都只會淪為建制派一樣,香港怎會有進步!

平同貴,真係好主觀,但又貴又唔掂就並非主觀咁簡單,而是令客人心靈受創,即係肉赤的同義詞。可惜,有些人就是過於自信,所以才會在技藝不高時先Mark高個價,這就是好多餐廳的死因之一。


請多多關注Facebook專頁:  YFL 生活博客 

一齊講飲講食講旅遊 Facebook群組: 生活博客吃喝玩樂

Instagram: kelvinyfl

YouTube: Kelvin Leung

廣告

新增回應