【生日飯2018】金源小館 – 灣仔老店街坊麻甩小炒王!

都幾十歲人了,再來生日飯著實未必是想慶祝自己老一歲,只是想搵個藉口叫多幾多個朋友食餐飯,因為如果不是生日,真的好難約到好多人。既然是像平常便飯,我就建議不如找間細細地的小炒店,讓大家像街坊一樣親切些。於是,我就揸主拿揀了灣仔金源小館作為生日飯局地點。

位於大王東街的金源小館,我覺得自己來過食飯,但又記不起吃過什麼,確實應該是好多好多年之前的事。在座朋友說這店有超過50年,不知是否屬實,但30年就一定無走了。

店子細細,但熟客多多,我們該晚是星期四,但依然其門如市。

金源就是屬於這類街坊小炒店,以家常小菜為主,不求什麼驚喜,最緊要夠鑊氣。

有些小菜是要預訂的,例如招牌的「山東燒雞」。

霸氣這東西是要慢慢堆積出來的,正如近年開始有人說我有氣場一樣,可能是留鬍鬚的關係,我想未必是壞事,至少嚇到人,都算是好事吧!

這道霸氣山東燒雞堆砌成小山似的,雞隻燒完然後撕開肉再蒸,淋上大量薑絲和蔥花,還有瓜菜和豆乾墊底,吃之前再自行淋上蒜粒,便變得非常濃烈惹味。

「鎮江香醋骨」也是招牌菜,煮得十分鬆化,汁料亦很入味,這樣的肉,一定要跟白飯才滿意!

這晚友人帶來白酒,一道「豉油王煎中蝦」雖然香脆度中等,但配酒一流。

每人一隻「蒜蓉蒸扇貝」,粉絲和蒜粒都落得好重手喎!

「龍蝦配伊麵」是傳統港式中菜做法,濃郁汁料盡在伊麵內。

瑤柱煮西蘭花

這店的甜品亦相當有名,尤其燉蛋和木糠布甸都是招牌菜,已經吃飽了的一眾人,唯有只叫了兩客燉蛋(焦糖和咖啡味),相當香甜滑溜。

最後,朋友們還獻上生日蛋糕,在此再次感謝出席的朋友們,希望大家都可以好似街坊街里一樣,一定要間中聚一聚,無事常相見。

 

金源小館

地址: 灣仔大王東街3號地下

電話: (852) 2529 3806 / 2529 3769

營業時間: 11:00 – 23:00


相關文章: 

麻甩生日飯2018: 叔叔們相約「聚興家」! (米芝蓮車胎人推介)

生日飯2017: 一年比一年麻甩 之 土瓜灣朱敏記桑拿菜


請多多關注Facebook專頁:  YFL 生活博客 

一齊講飲講食講旅遊 Facebook群組: 生活博客吃喝玩樂

Instagram: kelvinyfl

YouTube: Kelvin Leung

廣告

新增回應