每次來萬麗海景酒店大堂的Mirage Bar & Restaurant，都只想到來吃下午茶、Happy Hour或者吃個Burger。据扒? 真的未試過，甚至未想過。以為近維港且在會展隔離，吃塊牛扒就一定貴到飛起，原來都未必，睇睇下文就知我無講錯。
到訪Mirage當晚是星期三，客人較少，餐廳郤依舊有Live band演奏Smooth Jazz，我就覺得音樂幾有情調，Jazz跟牛扒也幾夾得來。
Mirage的總廚Owen Panzica當晚亦在場，客人要選牛扒，都要先走去吧枱見見大廚。
餐廳預備了多個部位的澳洲Stockyard牛扒給客人自行挑選，牛肉固然搶眼，但價錢就更令人眼前一亮，每款扒只是$100幾元起就有100克。
一齊聽聽大廚點揀牛扒:
喜歡油份重的，可以揀安格斯肉眼扒 ($148/100g)，安格斯牛柳則較濃郁 ($188/100g)。
而我就選擇較重肉味，但較少油脂的Flat Iron Steak (平鐵和牛扒) ($118/100g)。
我叫大廚隨意幫我切100多克，最後切了182g給我，價錢都只不過是$191，莫說是酒店，很多街外餐廳都貴過佢。
Flat Iron牛扒煎成Medium rare，煎得恰到好處。
切開牛扒後，便見到粉紅通透，肉質嫩而軟腍，又充滿肉汁，牛味顯然較濃，但並非好重牛味那種。
當晚酒店選的紅酒是富層次果香一類，跟Flat Iron亦相當匹配。
伴菜的薯條有一式四款醬料，包括用多種香草調配的阿根廷青醬，有一種很清新的感覺。
這篇的次序刻意地倒轉，一來就入正題講主菜，其實主菜之前都吃過生蠔、牛油果牛肉他他，及刺身，清清爽爽地為牛扒拉開序幕。
到訪當日都仲係我的生日月份，兩位美女們給我送上驚喜的生日甜品，又變成另一餐生日飯，萬分感謝!
以這樣的環境，這樣的食材，加上地點在灣仔海傍，這樣的牛扒餐是超抵的，我已將之放入Steak house的選擇中，下次有朋友生日或聚會時，可以再來据個扒。
Mirage Bar & Restaurant
地址: 灣仔港灣道1號香港萬麗海景酒店1樓
電話: (852) 28028888 / 25846983
營業時間: 07:00 – 01:00
相關文章: 牛迷推介! 中環蘭桂坊吃32安士重量級USDA Prime Rib – Westwood Carvery
一齊講飲講食講旅遊 Facebook群組: 生活博客吃喝玩樂
Instagram: kelvinyfl
YouTube: Kelvin Leung
