【飲食熱話】只飲白酒的人!

近年經常去大大小小的酒會,飲過很多不同類型不同地區的酒,可惜我這個人資質笨拙,你問我關於邊個酒莊幾多個層次之類的事,對不起,我始終還是搞不清楚。

有時也會聽聽專業配酒師點講,從中都可以長知識。

以前有人常說,最簡單的葡萄酒跟食物配搭準則就是吃白肉配白酒,紅肉配紅酒。不過,很多時都要睇埋烹煮方法,以及用的醬汁才定。

飲酒既不能一本通書睇到老,亦要加點叛逆性格。身邊就有不只一位朋友從來只喜愛白酒,無論吃什麼都要選白而棄紅,你可以說他們唔識飲,但他們偏偏就係鍾意咁樣配。味道唔夾? 佢覺得夾就得咯!

有時亦會遇見到一些 “Think out of the box”的調酒師,偏偏不喜歡循規蹈矩,硬是要配出新花樣。雖然配出來的效果未必人人認同,但我會由衷地欣賞他們的勇氣。

食物配葡萄酒,其實跟愛情一樣,沒有標準的公式,高矮肥瘦、男男女女、年紀大或細,只要你鍾意都得啦。

記住,千萬不要因為別人說唔襯而轉為選擇別人心目中的公式,感覺是好個人的,自己試過覺得好食好飲,就可以因應自己的喜好而繼續去做吧。人一生物一世,何必要理別人點睇呢!

我個人就紅白酒都啱,亦不屑那種既定的配搭方式。我都好欣賞一些對自己喜好固執的人,如果你是一個只飲白酒的人,下次如在餐廳碰見我,記住同我乾一杯白酒!

固執狂萬歲!


請多多關注Facebook專頁:  YFL 生活博客 

一齊講飲講食講旅遊Facebook群組: 生活博客吃喝玩樂

Instagram: kelvinyfl 

YouTube: Kelvin Leung

 

廣告

新增回應