【金鐘覓食】金融中心上班族的恩物 – 速食刺身丼、壽司、鍋物: 千羽堂

金鐘雖然地方又靚,人又穿得靚,但我有時覺得在金鐘返工的人好慘,成日要捱貴食物。就看看金鐘廊吧,曾幾何時 (我在金鐘上班那個年代)有間叫「Nine To Five」的快餐店,都叫做為低下層上班族服務。現在呢,只剩返大集團連鎖店,而且是中價以上,都不要奢望食到五六十元一個午餐,一百元有找的套餐已是恩典了。

最近在金鐘美國銀行中心就開了一間日式速食店「千羽堂」,售賣較親民的定食,都可算是上班族的喜訊。

看看餐牌,定食價錢由$70幾起,至$100多元,相信大部份白領人士都接受到吧!

店內設有自助點餐系統,還可以揀堂食或外賣。

速食不同於普通快餐,這店有師傅在場烹煮的,「速」只因供應的都是Standard的款式,方便金融區急速步伐的人士。

我這天在黃昏後才來,大部份人都收了工,顯得較為平靜,相信午市的情況肯定是另一回事。

四個人就點了幾款不同的套餐。

「蔥爆吞拿魚溫泉蛋丼」 (HK$108)

說是蔥爆,應該說是爆蔥才對,我鍾意食蔥,看著這客丼便覺得很滿足。吃時把溫泉蛋和吞拿魚蓉和刺身撈勻,感覺既充滿香氣又爽滑,整體是一道很開胃的丼。

「鰻魚櫻花蝦炒飯」 (HK$98)

埋成座山咁高的飯,十分澎湃,材料亦份量十足,鰻魚粒跟飯粒合而為一,除此之外,還配上洋蔥、香蔥粒、甘筍和蛋絲,當然,眼球一定會留意到滿佈的櫻花蝦。另醒個慳錢貼士給大家,如果你的食量不大,這客飯其實足夠兩個人吃,每人約$50就掂。

「特上雲霧雜錦壽司拼盤」 (HK$178)

想稍為豪一點,可以吃個壽司餐,先讚讚個賣相,有乾冰就真的吸引好多,令人食慾大增。

而壽司款式方面,百幾元有海膽、三文魚腩、牡丹蝦、帆立貝、左口魚、三文魚籽、劍魚、油甘魚、赤身、玉子等,都算非常抵食,而且店子說很多食材是由日本直送,新鮮度顯然不錯的。

「日式鱲魚粥鍋配鱲魚刺身」 (HK$102)

除了一般定食外,晚市還有鍋物例如粥鍋。粥底非常足料,用上鱲魚頭、大根、大蔥和薑等熬製,鍋內還配上秋葵、本菇、粟米粒等,真的恰似魚湯咁鮮甜。至於配鍋物的鱲魚和三文魚刺身,則可以放入粥鍋內輕灼,當然亦可以作刺身就咁食。

飲品方面,有「沖繩黑糖抹茶鮮奶」 (HK$28)、「德島柚子冰茶」 (HK$22)等。

個人覺得這店雖然說是速食,但食物水準好比中檔的日本料理店,定價也十分合理。我雖然不是經常去金鐘,下次要來這區的話,我會再揀呢間!

 

千羽堂

地址:香港金鐘夏慤道12號美國銀行中心地下G4號舖

電話:(852) 2890 9970

營業時間:星期一至六 11:00 – 22:00; 星期日及公眾假期休息


請多多關注Facebook專頁:  YFL 生活博客 

一齊講飲講食講旅遊 Facebook群組: 生活博客吃喝玩樂

Instagram: kelvinyfl

YouTube: Kelvin Leung

廣告

新增回應