位於尖東站的K11 Musea商場，已成為香港的新景點。場內亦有不少矚目的食店進駐，東京過江龍多賀野是其中一間。這間連續四年攞到東京米芝蓮推介的拉麵店，自然一開張就吸引大量拉麵迷排隊，我就慕名去幫襯，吃過一碗賣$168的沾麵，評價如何? 看到尾就有分曉。
雖然話香港今年市況淡靜，但新場就自然吸引到捧場客，眼見K11 Musea場內的人流實在不算少，但都集中在地庫及地面那層。
相信不少人第一次去K11 Musea，都去影這個「水晶球」打卡點，我都唔例外，仲拍了多個角度呢!
上到去水晶球那一層，便是「多賀野拉麵」所處的樓層。
吃麵之前，其實去樓上食雪糕! (相關文章: 【K11 Musea】DAMA – 全素健康的大媽雪糕、果汁 )
挾著東京米芝蓮推介的名氣來港，必然會引起排隊潮，畢竟香港的拉麵迷為數不少，很多人都想試試東京名店的實力。這又令我想起年前在海港城開設的「麵屋一燈」，同是東京名店，但熱潮一閃即逝，開張未夠一個月，已經不用排隊了，我認為是跟定價太高有關。現在這間多賀野亦是賣差不多價錢，百多元一碗拉麵，但可能因為同場未有對手，商場食肆暫時又未開齊，所以才要排隊吧。
望望內裡環境，走時尚風，又加入一點像樹林的設計風格，有別於一般的傳統日式拉麵店。
我們幾個朋友在晚上來到，等了約半小時便可入座，其實到我們吃完後，大約8時半後，已經不用排隊了。
以往很多拉麵店都可以自己揀麵條硬度，及按需要來點選，這店就無得揀，亦不用剔紙仔，全部是根據餐牌上的圖片說明來點菜的。
招牌拉麵類當中有「粟國塩味拉麵」($128)、「多賀野醬油拉麵」($128)等。
而我則選擇吃沾麵，並選了價錢較貴的「豚鴨沾麵」($168)。
豚鴨沾麵貴在哪裡呢?
應該貴在個沾麵汁，雖說是「豚鴨」，但汁料除了豬和鴨外，還用上雞及鰹魚熬製而成。四種味道之中，雞和豬的味道較出，鰹魚味在尾段飄來，鴨肉味就顯然很弱。這樣多料的沾汁，理應比較濃郁才對，但我喝起來郤感覺略嫌清淡，跟期望有著落差。
湯汁不滿意，但我反而幾滿意麵條，煮成冷麵形式端上，帶強大的彈度，掛汁能力亦高，而且份量都頗大，男士如我都覺得夠飽的。
叉燒則不過不失，有點炙邊，肉質煙韌，而隻蛋更為誘人。
如果想叫一客小食，「自家製蟹肉薯餅」($68)做得頗為鬆化香脆，可以一試。
單以這次的光顧，個人認為$168的豚鴨沾麵真的定價過於進取，但又不見得有著很強的過人之處，賣$100至$120還算合理，水準其實不差，但真的不算特別出色。這個價錢加這個水準，同一碗麵則好難讓我有下一次了。
多賀野拉麵
地址: 九龍尖沙咀梳士巴利道18號K11 Musea 2樓220號舖 (港鐵尖沙咀/尖東站J出口)
電話: (852) 2881 8331
營業時間: 12:00 – 16:15, 18:00 – 22:00
相關文章:
【K11 Musea】尖東的Chill 綠色地帶 – Nature Discovery Park
【尖東K11 Musea】麵包店再襲擊之巴黎名牌牛角包襲港 – Gontran Cherrier
Kelvin Leung 新書《吃破世情》即日起，在誠品、三聯、商務、天地及各大書店有售，
同時可以在網上購買，請Click入以下圖片查看及選購啦!
Instagram: kelvinyfl
YouTube: Kelvin Leung
