現時香港出街吃晚餐，要睇地點和時間，又要留意交通情況。我住九龍區，又在鑽石山站附近返工，距離位於牛頭角站附近的如心艾朗酒店forte只是幾個站，去程和離開都算方便，就算無地鐵，巴士網絡都四通八達。但這不是重點，是約我吃飯的那位大美人，是我的義氣仔女，無論發生什麼事都好，都不割蓆，只要一個call，唔需要任何原因，就去應約咯。
記得今年七月才去過跟forte同系的荃灣如心海景酒店，吃過B.Duck主題自助餐(舊文在此)，那時候覺得香港人需要一些令人快樂的食物，以及找回一些童真。三個月過去了，香港都未見得很快樂，那種無力感還在持續中，所以這陣子，我是少了去週圍覓食，只跟熟朋友聚會，其餘時間都在跑步。
暑假都過了，forte仍有B.Duck的蹤影，原來該主題延長了至10月底，實在是好事，就算不喜黃鴨，見到都覺得開心返些的。
來過這裡很多次，都不用多介紹這裡的半自助餐了。
冰鎮海鮮方面，有時會供應生蠔，今期就有冰鎮鮑魚，我一口氣吃了兩件。
不得不試的有燉湯，該晚有「人參雞湯」，近來練跑要補氣，當然要飲碗吧!
黃鴨主題的甜品仍有不少，個人比較喜歡吃果凍和燉蛋。
餐廳話只要在Facebook或IG打卡，就有Soda送，可選菠蘿或白桃梳打，我就試過菠蘿味，不錯的。
主菜
半自助餐包一道主菜，今期走韓風，供應多款韓式主菜，例如有1++級韓牛扒、醬油炆豬手、海龍皇長鍋、韓式醬燒美國牛仔骨等。
我就選了「1++級純種韓牛西冷扒」(額外加$200)
因應B.Duck主題，薯仔還印上鴨仔圖像!
韓牛西冷扒按我要求煮成Medium rare，煮得剛剛好，肉汁豐富，加上韓牛出色是牛味較重，吃起來會感覺更為香濃。
餐廳設有超過十款醬給客人選的，但我認為吃牛扒不要點太多醬比較好，些少芥末或海鹽就夠了。
同枱的大美人則吃藍青口，忌廉汁很濃郁而富奶滑，青口亦見鮮甜。原來青口都有韓式選擇的，鍾意韓國菜的可以揀韓式香辣炒青口。
無論社會變成怎樣都好，同朋友食飯是重要的事，至少可以找人傾傾偈。工可以唔返，飯一定要食，希望各人都平安和快樂，香港人加油!
優惠:
- 憑以下劵惠顧forte半自助晚餐，星期一至三可享8折優惠，星期四至日及公眾假期可享85折優惠。
優惠劵連結: 半自助晚餐最低至8折
- Facebook/IG打卡及tag 「L’hotel élan 如心艾朗酒店」可獲免費指定Soda一杯
forte
地址: 觀塘創業街38號如心艾朗酒店2樓(港鐵牛頭角站 B6 或A出口)
電話: (852) 39688222 / 65080975 (Whatsapp)
營業時間: 06:30 – 00:00
Kelvin Leung 新書《吃破世情》即日起，在誠品、三聯、商務、天地及其他書店有售，同時可以在網上購買，請Click入以下圖片查看及選購啦!
Instagram: kelvinyfl
YouTube: Kelvin Leung
