深水埗好多好嘢，但當然亦要習慣市集的環境和嘈雜的人聲，自從搬來西九龍區後，我亦早已習慣了，而且愛了上深水埗。
就在北河街街市附近的基隆街地舖，有一間主打番茄湯底的麵店「番茄師兄」，以番茄紅為主色，成個茄字在門外，非常易搵。
入到去，發現有一股好本土的氣息，店主似乎很喜歡80至90年代的流行歌，店內不斷播著那個年代的歌，我去嗰次更播放了Raidas的《傳說》。
這店的餐牌亦是點餐紙，客人可自行用雙頭筆在過膠的餐牌上點菜，好處是可以輕易抺走，做到循環再用。
菜單亦用上港式食字來表達，滑一滑、豚豚圓圓、犇犇(音彬)有禮等，都充滿玩味。湯底當然全是番茄濃湯，只是食材可以百搭。
我選了「滑一滑」 ($48)，即是新鮮騙牯滑牛加炒滑蛋米線，還怕不夠濃，於是加了芝士。
端上後，第一時間便喝一口番茄湯，果然濃郁而鮮甜，沒有感到任何味精或茄膏的味道，只喝到好清新的番茄味。
牛肉和炒蛋都同樣煮得剛剛好，尤其炒蛋較為出色，成片炒蛋郤是滑滑的。
外加的兩片芝士其實幫助不大，但溶入番茄湯後，感覺較為稠密。
此外，還加了一客「70度慢煮麻香瑞士汁雞中翼」($28)，既有麻辣香亦有瑞士汁的鮮味，但麻香似乎搶了一點，整體來說尚可而已。
飲品有「檸檬雪梨露」($18)，檸檬味重過雪梨，個人認為調轉會較好。
這店的番茄湯確實做得相當不錯，價值便宜，深水埗嘛，不過未必的，深水埗未必一定平靚正的，至少這間的水準值得再來支持，唔知下次會聽到什麼歌呢?
相關文章: 【吃破世情】2049點餐記 (附加導讀、未來見)
番茄師兄
地址: 深水埗基隆街255號地舖 (港鐵深水埗站 A2 出口)
電話: +852 94621567
營業時間: 12:00 – 22:00
Instagram: kelvinyfl
YouTube: Kelvin Leung
