【農曆新年2019】維港景賀年菜推介 – 君綽軒 @ 北角港島海逸君綽酒店

執筆之時是年廿一,還有大約十日就是農曆新年了。新年前真的好忙好忙呀! 忙什麼? 要出席朋友團年飯局、又要食年糕啦,仲唔夠忙咩! 工作? 都年尾了,等收爐吧,出年先做啦!

今晚又到另一處地方食團年飯,就是位於北角炮台山站附近的港島海逸君綽酒店,去年在頂層41樓吃個Fine dining (舊文在此),這次就去中菜廳「君綽軒」吃一些賀年菜式。

雖然是低層,但仍然望到維港景,而且樓下是酒店泳池,令整體景觀更佳。

吃主菜前,先來一些點心,都是賀年主題的,菜名全部都好好意頭。

「炮竹慶豐年」(HK$88)

弄成好像一串串炮竹的模樣,很有心思,食物實則是紅米脆片做皮的炸芋絲,十分脆卜卜,真的像炮竹般。

「恭喜發大財」(HK$108) 其實是蠔豉餃,蒸餃子包著蠔豉,相當紮實,而外面除卷著髮菜,還鋪上金箔,加添一些貴氣。

「竹報賀平安」(HK$88) 就是竹笙上素餃,內有粒粒好有咬口的素菜,亦做得很仔細。

點心似乎真的不錯,主菜又如何呢?

以下幾道都是新年限定菜式!

「極品包撈起」 (每位HK$138)

撈起魚生的傳統據說是由星馬地區開始的,通常是盡量配搭七彩繽紛的食物,並切成絲,然後大班親友一邊講好意頭說話,一邊把食物夾上半空然後才撈勻,寓意風生水起。

撈起通常都有三文魚刺身,還有花生、蘿蔔、海蜇、髮菜、西芹等,有些酒店像這次就會加入鮑魚,便可以更撈得更高貴了。

「豪門金光耀」(HK$388/4隻) 則是蜂蜜煎焗金蠔,下底用一塊米通,香脆的米通顯得金蠔更為軟滑和味道濃厚。

「朝朝笑口開」(HK$428 /4隻)

新年邊個唔想笑哈哈,唔通要喊苦喊忽咩! 這道胡椒焗大花蝦做得相當入味,肯定不會令人苦笑。

「心想萬事成」(HK$828) 跟蝦子海參扣花膠柚皮有什麼關係呢?

你想是咩關係就有咩關係啦,心想事成嘛,哈哈! 這道都是傳統的粵菜,考功夫之餘又要注重個汁料,這次炆得很到位,汁料亦相當香濃,席間的眾人都忍不住叫了碗白飯,以免浪費個汁。

來到甜點部份,當然亦要好意頭!

「黃金滾滾來」(HK$68/3件)

一個個桔仔,其實是炸芝麻茸茶果,做得非常趣緻,內餡有芝麻茸,吃落像煎堆仔,十分香脆,唔係得個樣的!

「家有聚寶盒」(HK$68)

用聚寶盒來裝著合桃酥、笑口棗、牡丹酥、金元寶、煎堆仔,別具心思!

「如意桂花豆沙糕」(HK$58/3件)則是另一的式輕巧甜點,如果之前吃得太飽的話,這款甜點是剛剛好的。

現在才訂年糕可能有點遲,不過,可以在酒家堂食的,這款「煎三式賀年糕」  (HK$68/3件)有齊增城黑蔗糖年糕、干貝鵝肝膶腸蘿蔔糕、黑松露干貝芋頭糕,可以一次過淺嚐多款賀年糕點,而不會吃得太膩。

雖然是維港景酒店中菜,又是新年,但觀乎這系列菜式定價又不算貴,的確可以放心地團年,祝大家豬年想點就點!


相關文章: 【農曆新年2019】今期流行之精選賀年禮品、年糕特集! (含預訂優惠詳情)


君綽軒

地址: 北角油街23號港島海逸君綽酒店5樓 (港鐵炮台山站A出口)

電話: (852) 2121 2691

營業時間:

星期一至五12:00 – 14:30; 18:30 – 22:30

星期六至日及公眾假期 10:30 – 15:00; 18:30 – 22:30


請關注Facebook專頁:  YFL 生活博客 

Instagram: kelvinyfl

YouTube: Kelvin Leung


 

廣告

新增回應