壽司翔太 @黃埔九號水產 – 十二貫壽司午餐!

位於紅磡黃埔的九號水產,開業將近兩年,一直話來都沒有來。最近要為團年飯找地點,團年不一定要食中菜,那就不如吃個壽司午餐,於是便訂了市場內的「壽司翔太」,首次踏入這個半新不舊的水產市場。

九號水產市場比我想像中靜好多,到訪當日是年廿八,理應好多人放假來吃飯或購物吧,但點解咁靜英英? 據住在紅磡的家姐說,黃埔咁多食店選擇,而且如果要買海鮮的話,對面Aeon都有大把啦,根本唔洗一定去呢度。

入去水產市場,唯一賣點其實都是食店。

這間「壽司翔太」是市場中比較有名的,主打江戶前壽司,搬來這個位置之前已經開業十幾年,現在可算是九號水產內的台柱之一。

店舖位置就在市場門口第一檔,門面跟很多高級壽司店一樣,都是顯得較為低調。

店子主打Omakase (廚師發辦),所以設有Chef Table,但我們並不想吃Omakase,因此選擇坐大枱。

午市的Omakase賣$580及$780一位,而其他套餐則平均$300上下。

我選擇吃個「自選精選壽司午膳12件」($310),可以自行剔選12貫壽司的款式。

我就每款揀一件,選了油甘魚、吞拿魚、吞拿魚腩、金目鯛、劍魚、左口、海膽、甜蝦、蟹籽、玉子等。

以外觀擺設、切片和手握技巧來說,每樣都做得準確有餘,而細心度高。

十二貫當中,海膽算可以但並不算特別突出,我反而最愛油甘魚和左口,非常鮮味。

不得不讚壽司飯,據店員說是用岩手純情米,醋飯調得很恰當,很能突出魚的鮮味,單是醋飯已顯出其高質素。

午餐附送沙律、蒸蛋和雪糕。

家人們則選擇吃海鮮丼,分別有「極上北海魚生飯」、「吞拿魚三色丼」等,望落都非常肥美,刺身也切得準確。

以幾百元價錢來說,個人認為這店的壽司是高水準的,尤其午間比較抵食,有機會可以來試試個Omakase,試試師傅的功夫。

 

壽司翔太Sushi Shota

地址: 紅磡黃埔天地百合苑商場(第9期) 地下九號水產 (港鐵黃埔站 C2 出口)

電話: (852) 2834 3031

營業時間: 星期二至日 12:00 – 15:00, 18:00 – 23:00

星期一休息


請關注Facebook專頁:  YFL 生活博客 

Instagram: kelvinyfl

YouTube: Kelvin Leung


 

廣告

新增回應