零失敗食譜: 雞湯浸煮豬扒 (附加雞湯煮秋葵)

最近兩個月經常要在家工作，又不方便日日走出街吃晚飯，便唯有獨自在家煮食。有時諗食乜餸都諗到頭痕，於是決定簡單一點，用最簡單的食材來煮晚餐，今次用上超市買到的西班牙白豬扒和紙包裝雞湯，當日偶然給我在街市碰上秋葵，便把秋葵做了伴菜。

雞湯浸煮豬扒 (秋葵作配菜)

材料: 西班牙白豬扒兩塊，雞湯兩包，秋葵(數量隨意)

調味: 鹽、糖、黑椒粉，生抽

白豬扒解凍後，用鹽、糖、黑椒粉，生抽、生粉醃30分鐘以上

秋葵洗淨後，用凍水浸一會，然後切去蒂部

先燒熱平底鑊，不用放油，直接把豬扒放上鑊，每邊煎1 分鐘至呈微焦

倒下兩碗雞湯及一碗水進鑊中(視乎鑊的深度和豬扒的厚度)，待水滾後，轉至最細火(或60度)

上蓋煮25分鐘，中途可以反一反豬扒

熄火後，便可開蓋撈起豬扒

切開作件狀，便見到剛好9成熟的狀態，嫌不夠的話，可以熄火後浸多5分鐘才撈起

剩餘的雞湯不要倒去，就用來煮秋葵，雞湯再滾起後，放秋葵煮兩分鐘便可上碟

這樣用雞湯來浸煮的豬扒和秋葵，會充滿雞湯的鮮味，當然沒煎炒那麼香口，如果嫌太清，建議加些少XO醬作點綴。

Instagram: kelvinyfl

YouTube: Kelvin Leung