【深水埗】基隆街的黃色車仔麵 – 饗車仔麵

你是否仍堅持只幫襯黃店嗎?

恕我這位問題中年經常會諗多咗,有時候見到一些之前大排長龍的黃店,如今靜了許多,但有些店人流仍不絕,會不期然思考當中有何轉變,是否表示大家識揀,還是開始恐懼幫襯貼滿文宣的地坊呢? 

我偏向相信大眾漸漸識揀,但又或者隨著國安法實施後,有些黃店內的文宣可能不再復見都未定!


雖說感到黃色經濟圈的熱情稍降,但深水埗基隆街很多店仍是人頭湧湧的。我這天中午原本想探番茄師兄或蘇媽蘇媽,可是那條排隊人龍就令我打退堂鼓了。

於是由街邊行到街頭,來到西九龍中心對面的這間「饗車仔麵」。

之前都見過這店大排長龍的景象,但這天郤完全沒有人在門外等候,究竟出了什麼問題呢? 這刻不想理會,因為真的想吃碗麵,討厭排隊的我,不用等候反而造就我來幫襯,想都不想便入去。

中午時份來到,其實店內都坐滿人的,解除了食店限聚令後,加上食車仔麵的人一般都快來又快走,因此可以容納較多轉客人。

貼滿文宣海報的牆身,比起其他同樣的黃店,個人覺得佈置得仍算整齊而不會給人太雜亂的感覺。現在要看就好看了,遲些仲有冇得貼文宣都未知!

點餐紙

麵餐由$30起,都算是街坊大眾價,而且可揀的食物款式亦多,尤其是湯底,有7款選擇。

我就點了三餸一麵餐 ($38)另加生菜底

三款餸的選擇是鹵水大腸、柱侯牛腩和鹵水牛舌。

兩款鹵水都醃得很入味,但牛舌略嫌煮得過硬,吃起來有點辛苦。至於牛腩,則軟腍度適中,味道尚可而已。

不計顏色,純粹以麵論麵,這碗車仔麵是平穩之作,整體水準屬中上而已。不過,因其地點靠近大街,座位亦算多,如果不用排隊,又想在深水埗吃碗車仔麵的話,我都會再來的。


廣告

饗車仔麵

地址: 深水埗基隆街391號地下

電話: 29856777

營業時間: 12:00 – 22:00


請關注Facebook專頁:  YFL 生活博客 

Instagram: kelvinyfl

YouTube: Kelvin Leung

Telegram Channel: Kelvin Leung 梁逸飛


廣告

新增回應