打邊爐狂想曲之 趣緻的響鈴

打邊爐不能沒有響鈴,除了因為一浸就軟,超快捷方便吃外,原來趣緻的響鈴都可以用來傳情達意的。


香港人鍾意打邊爐都算是舉世聞名的,就算禁晚市堂食都阻礙不到我們在家打邊爐的決心。尤其每當天氣轉冷,一打開Facebook,就會見到個個都Post打邊爐的情境,除了因為想圍爐取暖外,亦有一大誘因,就是懶得煮飯囉。

在眾多火鍋美食當中,響鈴可謂是近年異軍突出的食物,肥牛固然必要有,但如果沒有響鈴,就總覺得爭了點東西似的,個人覺得有響鈴的火鍋是比較有氣氛的。

響鈴都有名牌,深水埗樹記是其中一間大眾公認有質素的牌子,樹記其實以腐竹起家,響鈴原本只是同類貨品的二打六,但隨著港人對打邊爐的要求日漸增高,就連響鈴都講究起來,因此樹記的響鈴都成為熱賣貨,近年更推出紫菜響鈴,其他牌子還有芋絲、紫薯、芝士等口味,我始終較為喜愛原味。

響鈴怎樣煮?

旺角Canton Pot

鬆脆的響鈴好軟弱,實在經不起高溫的火鍋,一相遇就溶化,所以有謂「三秒響鈴」,我每次浸響鈴時,都會在心中數三下,一二三夾起,不要笑我太認真,我就是這樣的傻佬。

趣緻的響鈴

如果問到有什麼歌曲是講打邊爐,我會推介聽《趣緻的響鈴》。曲詞主唱都係嗰條女,是她2018年的作品,唔知當年#條女咩事,竟然寫了首咁Sweet的歌,曲風仲好90年代懷舊Feel,無聊得來都幾有趣。我在網上看過「樹妮妮」Serrini於2019年Live的版本,中間加入一大段獨白,相當搞笑。

這首歌用響鈴來憑歌寄意,以一浸湯就軟的響鈴來表達對心儀對象的愛意,估不到打邊爐都可以打得咁浪漫。

忽發奇想,打邊爐十下十下時,會否flirt來又flirt去,藉著響鈴去示愛呢?

以下對白純屬虛構!

「你食唔食響鈴呀,我幫你淥喇?」

「兩條唔該!」

「等一等,一二三,咁就食得,睇住燙口呀!」

「響鈴真係正,一浸就軟,快趣食得!」

「同我一樣,每次一見到你就會即刻心軟!」

「點軟法?」

「唔好心邪,只係我個人變得溫柔咁解啫!」

「我諗你對個個人都係咁講嘅?」

「點會啫,我個心淨係對住你先會軟,你係高湯,我就係響鈴,只要你叫我浸落去,我就會立即變得軟綿綿,相當容易入口,唔信? 不如我再浸多條俾你試下啦!」

 

對白好肉麻,但又好Sweet,可能要加點酒精壯膽才講得出口。不過,都係唔好亂咁講,還是聽歌好過啦!


請關注Facebook專頁:  飛叔生活 Kelvin Leung 

Instagram: kelvinyfl

MeWe Page: https://mewe.com/p/飛叔生活 

YouTube: Kelvin Leung

 


新增回應