近期經常到大埔工作，雖然大部份時間在商場內，但都會趁空檔走出去大埔墟附近覓食。大埔出名多粉麵店，大埔居民當然有自己的心水，外來人如我就會先揀較人氣的，當中群記清湯腩是其中一間遠近馳名的店，每次來到，不論早晚，都見到長龍，好多次都因為要趕住回去工作而不能排隊等候。終於，一月中的一個下午，就來吃到了。
到訪當日是下午三時多，但群記門外都依然有超過五人在排隊，我等了大約十五分鐘，便可進店。
排隊期間，已經看過餐牌，並聽見客人跟店員的對話，原來無得揀部位的，雖然餐牌上話可以選肥瘦或唔太腍，但店員郤說只有爽腩和肥腩之分，冇得揀腍唔腍，立時有點兒失望。
我不用多想，就點了「爽牛腩米」，賣$66似乎有點貴。
吃喝一口清湯，那個湯頭頗清，飲落也富相當的牛肉鮮味，不算太咸或太油，我平時只喝兩口，今次喝了半碗，也不覺口喝。
牛腩有成五六件之多，每件都切成大塊而厚身，皮還算薄而脂肪不多，我就嫌不覺肥了，幸好肉質仍見爽滑，腍度中等而恰好，仍有牛腩的質感，不會過份腍身。
夾起來時，以為好容易散，但其實都結實的，看似切得相當準確。
如果可以揀半肥瘦，這碗清湯腩就更完美，現在其實都很高分了。下次如果仍有時間排隊的話，可以再來一試的，我真係太怕排隊等位㗎。
群記清湯腩
地址: 大埔大埔墟大明里26號地下 (港鐵大埔墟站 A1 出口, 步行約8分鐘)
電話: 26383071
營業時間: 星期一至六 12:00 – 19:00
星期日休息
請關注Facebook專頁: 飛叔生活 Kelvin Leung
Instagram: kelvinyfl
MeWe Page: https://mewe.com/p/飛叔生活
YouTube: Kelvin Leung
- 【不是遊記】唔太文青的饒宗頣文化館遊踪 之五: 從探秘到尋找自我
- 【不是遊記】唔太文青的饒宗頣文化館遊踪 之四: 不如我哋由頭再看字
- 【不是遊記】唔太文青的饒宗頣文化館遊踪 之三: House of Joy 紅磚牆內的牛扒餐
