芫荽黨必買! 自家試吃永樂粉麵廠「濃香魚湯芫荽麵」!

我愛吃芫荽,亦都是香港芫荽黨之黨員,雖然未至於極度渴求要成碟青BB兼成陣「茜味」才興奮那種,但總覺得這種又名為「香菜」的東西是有其獨特的香氣的。因此,在網上得知永樂粉麵廠有賣芫荽麵,便亳不猶豫地去購買。


始創於1976的香港本地薑「永樂粉麵廠」其實都不用多介紹,雖未算是老店,但都算是中年,算起來跟我差不多年紀。永樂非但不是廢中,而且好貼近民情,看其Facebook就知,他們相當高人氣。

講返永樂個網站,除了多款蝦子麵外,還可以買到同聲同氣的悅和醬園貨品,我今次除了買濃香魚湯芫荽麵外,亦買了悅和的麻油。

透過網站落單,建議用「轉數快」付款,否則如PayMe就要加2%手續費。落單後,收到WhatsApp回覆說出貨期要7至14日,或者剛好有貨,我三日後就收到貨。

一Pack濃香魚湯芫荽麵 ($69),共有12個麵餅,我通常一次吃兩個,即是可吃六餐。

麵餅拿出來看,就是這樣的綠油油,顏色淺過菠菜麵,較接近抺茶麵的色澤,而未煮的麵郤沒有太明顯的芫荽味。

在沸水中煮兩分鐘左右,一碗芫荽麵就煮好,而沸水會變成不太濁的青色。

煮好麵後,我加了幾滴麻油進去,湯汁仍有頗清的魚湯味,不妨喝幾口。

麵條是蝦子麵的質感,彈性不錯,初吃第一口時,芫荽味並不突出,再吃下去,就要越加吃到芫荽香味。整體來說,芫荽味還算適中,不過份重,就算不太好荽的人應該都接受到,但相反如果重口味的話,可能會覺得太輕。

我都拍咗條片,可以去片睇睇我食麵!

以上是個人自費試食的分享,有興趣可瀏覽以下網站購買。

永樂粉麵廠官網: www.wingloknoodle.com/

 


請關注Facebook專頁:  飛叔生活 Kelvin Leung 

Instagram: kelvinyfl

MeWe Page: https://mewe.com/p/飛叔生活 

YouTube: Kelvin Leung


新增回應