無論Staycation或Workcation都好，無非都是想暫時逃離屋企，去酒店作個小渡假，這間位於佐敦站附近的精品酒店，算是划算而質量中上的選擇。
Covid疫情產生了Staycation這玩意，都流行了兩年，相信很多人都玩過，唔少人甚至早已試勻全香港大小酒店。我就不是Staycation的專家，兩年來只玩過三數次，認真是落後於大市，但其實這玩意又並非必要的，我屋企都瞓好舒服，唔需要下下走去酒店瞓。
早幾日因為屋企有小型裝修工程，便迫住要搵間酒店住幾晚。現時的工作好自由，只用一部電腦就去到邊都做到嘢，於是這次既當作是悠閒的Staycation，又是工作的Workcation，一舉兩得。
其實近幾個月要選較似樣的酒店都非易事，現時很多較有規模的酒店都做緊「隔離檢疫酒店」，加上又不用去到住五星級，選間幾百元一晚的精品酒店較為划算。
亦因要間中回家看工程進度，便揀選返九龍區的酒店，選了這間近佐敦站的精品酒店「木的地酒店」(Hotel Madera Hong Kong)，佐敦出入和食飯都合我心水，就當來個佐敦和油麻地的小旅行。
我要求好簡單，只要乾乾淨淨，有個似樣的睡房和浴室，當然要有張枱仔放電腦，咁就夠了。
訂的是豪華雙人房，入到房內，感到面積比網站的相片大，望出去雖然是樓景，但一邊遠望到獅子山，一邊則望到少少海，加上樓層在22樓，前面沒有阻擋，感覺十分開揚。
房間設備尚算齊全，有張辦工桌和工作椅，還有茶几和椅子。
插頭位多，可惜欠了一樣重要的，就是USB插頭，亦沒提供充電線，以今日的標準來說，就有點兒不夠貼心了。
浴室有浴缸，仲有Jacuzzi 功能，我試過，真係正!
買的套票包房內早餐，原來只係一個牛角包或鬆餅，加杯咖啡或茶，只能說是聊勝於無，幸好酒店附近食肆林立，不愁肚餓。
此外，酒店設有Gym和Yoga室，但要行出酒店門過去隔離同品牌的Service Apartment內上一樓，Gym room的設備都足夠的，到訪當時沒有其他客人，便可獨佔整個健身室。
酒店Staycation小評:
今次是去年意外受傷後首次住酒店，現時已康復到八八九九，我心目中當這個酒店假期作是休養生息之旅。這間酒店的環境和設施，都大致令我感到滿意，做到令整個人Refresh的效果。
或者是因為現時工作和生活都在家中處理，困在家太耐，真的需要一個出口，此刻去外地旅行要好大成本，在港往酒店住幾晚就像暫時逃離，但並不可恥，有用的。
酒店地址: 九龍佐敦長樂街19號木的地酒店
延伸閱讀: 持分房屋貸款
這次是透過Agoda.com預訂房間的，個人覺得網站預訂十分快捷方便，而且價格比其他網站略為便宜，不妨點擊以下圖像查看酒店優惠。
請關注飛叔平台:
Facebook專頁: 飛叔生活 Kelvin Leung
Instagram: kelvinyfl
YouTube: 飛叔Kelvin Leung
- 【曼谷遊】曼谷Thong Lo站的人氣芒果糯米飯 @Mae Varee
- 【東京遊】東京古蹟澡堂淨身
- 【曼谷遊】酒店住宿丨推介一間交通方便又適合數位遊牧者的服務式公寓客房 @Adelphi Forty-Nine
