相信大部份香港人都收到政府的皇恩浩蕩$5000大元消費劵，唔洗我教你點洗錢啦，我第一日就用消費劵幫襯心水食店叫外賣，又買了一些日常用品及食材，如果你唔知點用好，不如買些東西送俾人，當做下善事都好。
現時經濟差是人所共知的事，對於普羅大眾，收到五千電子消費劵後，相信好多人會首先花費在日常的糧油雜貨上，我都是普通低下層，當然不會例外啦。
依家想消費好方便，唔需要外出排隊同人迫都可以洗好多錢，頭一日收到後，我就立即上網購平台訂了貨，全都是日常生活需要的食材為主，例如咖啡豆、牛扒、凍肉等，仲難得地買到經常缺貨的日本蘭王雞蛋，跟住又上另外的平台買其他嘢，買下買下，一陣咁就冇咗成千銀。
4月21日之前都未有晚市堂食，暫時都唯有叫外賣。既然有消費劵，收到後的第一晚就唔煮飯，叫外賣，揀選一間自己喜歡的小店，幫幫苦不堪言的餐飲業。
於太子及大埔都有分店的潮州人，其實並非主打潮州菜，但該店老闆一向好敢言，正是良心「家自冷」。
潮州人的招牌菜是「金牌花膠撈米粉」，一直都好想親身去試，礙於種種原因，郤未有機會去到店舖，今次就透過外賣App去下訂單，除了點以上的招牌菜外，還順度叫了「花雕醉雞翼」和「雞油燙菜」。
送到來時，雞湯是獨立一碗的。
外賣跟堂食的熱度無可避免地有差距，唔介意洗碗的話，可以把食物倒在自己的碗碟上，只是湯汁最好翻蒸煮幾分鐘，然後再淋到花膠米粉上，便可以熱辣辣地吃。
花膠有益滋補，適合我這類在養生的人。這碗麵的花膠好大塊又厚身，我在點菜時又加大了米粉，便感覺更為豐厚。
如果想汁料濃郁一點，就不必倒盡全部的湯汁，倒三分之二就夠濃味。
「花雕醉雞翼」煮得頗為入味
「雞油燙菜」個汁好鮮甜，剩下的汁可以不用浪費，留返第二日撈飯都好掂。
聽說潮州人太子店會在四月搬舖，新地址已更新在文章末段，希望不久後可以在新店坐低食米粉。
我暫時消費慾真的不大，洗少少已滿足到了。金錢跟條命一樣，都適宜留前鬥後，保留實力，唔洗急，等多一陣，稍後夜晚出得吃飯而身體狀況又回勇時，再吃個大餐都未遲，最緊要人冇事就得。
潮州人地址:
太子彌敦道737-741號金輪大廈地舖
大埔舊墟直街9號粵發大廈地舖
請關注飛叔平台:
Facebook專頁: 飛叔生活 Kelvin Leung
Instagram: kelvinyfl
YouTube: 飛叔Kelvin Leung
