【佐敦美食】重開晚市堂食的首晚,我在佐敦掃街!

禁晚市堂食不是第一次,但今次真的停得好長,由二月初到四月廿日,成三個月冇晚市,好多人都非常期待四月廿一日的來臨,我當日下午出去市區時,已經見到人潮比之前多,接近第五波疫情前的狀況,香港人都好恨出街,亦更想重拾正常生活,但是所謂的「正常」,已經不再是以前的標準的,新常態包括入每間店前要掃安心出行加針卡,唔接受的話就冇得食。在重開堂食的首個晚上,我就在佐敦掃街,幫襯了兩間店,你又去過邊度食呢?

知道有不少朋友約齊腳四人聚餐,而我卻選擇一個人靜靜地出去食,下午有事要去佐敦,之後便順度在此覓食。

一個人暫時沒有必要吃大餐,只想簡簡單單吃碗麵。就算在禁晚市堂食前,都好久沒有試過夜晚食雲吞麵,於是走入這間「盛記粥麵」,好隨意地叫了「雲吞撈麵」($46)。

又加了一碟「豬膶腸粉」($26),兩者的水準還算不錯,雲吞包得還算紮實,尤其推介「豬膶腸粉」,當日的豬膶煮得幾軟腍,而且不過熟。

盛記粥麵

地址: 佐敦白加士街11號地舖


​吃完麵後,時間尚早,有點意猶未盡,可以吃多個甜品的。

好久沒有去佐敦的名店「佳佳甜品」,疫情加上其他原因,令這間幾年來取得米芝蓮必比登推介的甜品店都失去光環,當日見不用排隊,就二話不說地去吃個晚飯後甜品。

叫了一客凍的「芒果紫米露」($40),配置細心得宜,芒果紫米加上紅豆花生,吃來好有𡁻口,確實不錯。

佳佳甜品

地址: 佐敦寧波街29號地舖


這晚好滿足了,其實只是想享受久違了的香港地道晚飯,以前認為垂手可得的東西,現在卻變得難能可貴,相信經歷風霜的香港人應該好明白這點。


請關注飛叔平台:

Facebook專頁:  飛叔生活 Kelvin Leung 

Instagram: kelvinyfl

YouTube: 飛叔Kelvin Leung


 

新增回應