每當西環變幻時，每次來到堅尼地城都感覺這裡好似有點不同樣貌，好在有些店舖仍在，像這次重訪的Shoreditch，開業約八年，依然健在於堅尼地城，記得初認識這間英國菜餐廳時，對面的Golden Scene戲院都未開，現時電影業開始復蘇，在餐廳內都望到不少人走入去睇戲。
今次並非為電影而來，而是真的來Shoreditch吃晚餐!
Shoreditch室內仍保持一貫工業風裝修，依然走十分休閒的英國菜路線。
我今次的飯腳是飲得食得又有Taste的年輕才俊，那就當然要飲酒啦。
餐廳星期一至五有不同的菜式優惠，到訪時是星期二，就有$10一隻法國生蠔，叫了半打，並配杯白酒啦。
當日的生蠔是Crassostrea Gigas，較大隻肥美，亦頗濃味，配一隻較乾身的Two Rivers Sauvignon Blanc 2022, Marlborough, New Zealand ($79/glass)。
叫了一客前菜「烤牛舌沙律」，牛舌切成大塊又厚身，烤成爽脆，配上碎蛋、香芹、小黃瓜和沙律菜，感覺很清爽。
這個「牛腱肉牛骨髓批」賣相好有趣，既像蛋糕，又像陶瓷或木頭，實質是放了一塊巨大的牛骨。
整個Pie的份量好大，內有牛腱肉和蘑菇，加上牛骨髓，好濃郁及香甜的肉味，牛骨髓的脂香亦提升了整個Pie的香滑度。
另一主菜是「Silver Hill鴨腿」，鴨腿厚肉而嫩滑，還配上鴨肝，淋上的鴨汁幸好濃郁得來不過份，吃來沒有太膩的感覺。
我們各自點不同甜品!
我就吃了Sticky Toffee Pudding 「拖肥布丁，雲呢拿雪糕，拖肥醬」($98)，朋友則點了Mars Bar Cheese Cake「朱古力棒芝士蛋糕」($98)。
這店確實幾適合Casual地傾偈聚會，主菜就如普遍同樣英國菜那樣都偏向大份，亦偏向濃味，雖然只點了兩道主菜，已經吃得好飽，這樣計來，價錢確實很相宜。
Shoreditch
地址：西環堅尼地城吉席街18號
電話：2242 3777
營業時間：星期一至五 10:30 – 23:00
星期六、日及公眾假期 09:00 – 23:00
請關注飛叔平台:
Facebook專頁: 飛叔生活 Kelvin Leung
Instagram: kelvinyfl
YouTube: 飛叔Kelvin Leung
請支持個人自媒體運作，課金少少無拘，多謝!
一按即 PayMe！
https://payme.hsbc/kelvinyfl
- 【京都遊2023】實而不華的Omakase @鮨・料理 なかた
- 【曼谷遊2023】水上泰療癒之泰國丹嫩莎朵水上市場
- 【京都遊2023】一期一會賞夜櫻丨NAKED FLOWERS 2023 -櫻- 世界遺産・二条城
- 【京都遊2023】穿著和服遊京都丨和服租借體驗
- 【京都遊2023】麺屋猪一 丨河原町大排長龍的米芝蓮必比登推介拉麵
