灣仔香港藝術中心曾幾何時都是我常去的地方，但近幾年已經鮮踏足了，記得藝術中心六樓以前是意大利餐廳Assaggio Trattoria Italiana，意粉做得不錯的，但年前已結業了，同集團去年在同地點開了間素食餐廳JAJA，主打西式Fusion素食，當然最大賣點是全間餐廳都滿是粉紅花花和毛布仔，顯然為吸引女生而設。
點解我又會來呢度? 既然約我那種男士是跟我一樣的鬍鬚大漢，佢成日食都唔尷尬，我又何必尷尬呢，而且這次還有素食女生好友陪伴，就點都要來一趟吧。
粉紅粉紅趣緻的臉!
甫一踏入JAJA，就被粉紅色包圍著，仿佛自己變身粉紅教主，不過當然唔係啦啦!
女士們來到這裡，肯定會瘋狂打卡，無論大廳和私密客房，都充滿色彩鮮艷的花花佈置。
連有些桌面內，都放滿粉紅色玫瑰。
無論是否喜歡粉紅色都好，這裡的佈置都是令人感到開心的。
如果還有點童真，大可以抱著大熊打卡。
我對美食更有興趣，雖然並非素食者，但不介意吃一頓全素餐。
JAJA提供的素菜主要以西班牙和意大利為主，亦加入一些亞洲元素，都謂一間Fusion素食餐廳。
素食人士其實又細分好多類別的，這店都算幾細心，餐牌上的每道菜都有蛋奶素、全素、無麩質、無堅果、生酮等不同標示。
環境都明示給你，這是一間打卡餐廳，飲品當然亦注重賣相，這杯Mocktail「活火山」，端上時才淋上煙，就像活火山般的噴發，飲品內有熱情果和芒果，十分清新甜美。
先來一客輕巧的小吃，煙燻粟米條配燒烤素蛋黃醬，粟米烤成焦香，不沾蛋黃醬其實都可以好清甜。
炸得香脆的脆綠薯球，咬開是綠色的牛油果蓉，再配紅菜頭腰果醬，便顯得更為濃郁。
這客「提生糙米壽司拼盤」是東西合併的壽司，有點像加州壽司卷的感覺，一客三款六件有脆辣菠蘿蜜卷、照燒茄子卷、金針菇黑松露脆卷，做得爽脆，還算可以吃的。
Pizza是外表最正常的食物，薄薄的批郤有充足的松露醬和菠菜。
一式兩條紅莓和藍莓Cheesecake Lolly，外表趣緻，對我來說就甜了點。
我反而較鍾意這款「綠仙子奇亞籽布丁」 ($78)， 內有啤梨和奇異果片，加上高蛋白又高纖的奇亞籽，清新又健康。
間中食餐全素是必要的，唔係你估飛叔我點會長年都咁瘦呀!
JAJA
地址： 香港灣仔港灣道2號香港藝術中心6樓
電話： +852 2877 3999
營業時間：星期一至日及公眾假期 11:30 – 22:00
請關注飛叔平台:
Facebook專頁: 飛叔生活 Kelvin Leung
Instagram: kelvinyfl
YouTube: 飛叔Kelvin Leung
請支持個人自媒體運作，課金少少無拘，多謝!
一按即 PayMe！
https://payme.hsbc/kelvinyfl
- 【大阪美食】心齋橋高質的燒鳥 @炭火燒鳥清
- 【京都】在妙心寺方丈面前學坐禪
- 【銅鑼灣Omakase】堅的青云Senn，飲飽食醉的壽司清酒宴
- 【京都美食】京都三間人氣拉麵店推介
- 【京都】蹴上鐵道，南禪寺，水路閣漫步
