(2019更新: 朱敏記改了地址，仍在土瓜灣，新地址見文末)
在我的圈子內，似乎同屬巨蟹座的朋友為數眾多，可能因為巨蟹座大都不愛競爭，且重感情，通常不會跟人起爭執，所以就算巨蟹座朋友不是你的知己，至少不會拒絕跟他們交往。嫌棄巨蟹座，就是你走寶了! 哈哈!
我跟Food Blogger美女「儀家開飯」的生日只差一天 (當然我大佢好多年啦)，共同朋友又多，所以連續四年都一齊搞生日飯局。四年來試過吃泰菜、樓上Cafe、酒吧餐廳，今年決定揀間麻甩類的小菜館，方便大家暢所欲言。其中一位「猛烈朋友」建議土瓜灣的「朱敏記」，他住土瓜灣兼曾在此搞過窮L飯局，不問都知這店肯定是他那種麻甩Style，而隨著年紀漸長，我樣子都一年比一年麻甩了。
土瓜灣話遠唔遠，只差在沒有地鐵，除郤繁忙時間搭巴士會塞車外，其實亦算方便。而朱敏記地點在馬頭圍道其中一條小街內，外人未必會刻意找，屬街坊小炒店，沒有任何特別的裝潢，感覺娘娘地，麻甩而佬味甚濃，其實我都幾鍾意此款麻甩店的，只不過較少寫在網誌上。
老闆娘朱嘉敏是生招牌，我總覺得她像張敏 (八十年代香港女星)，差點叫錯這店做張敏記。只要去Google搜索朱敏記圖片，應該會見到她的真身。
店子叫桑拿菜，原是主打蒸鍋及火鍋的，但我們這晚就食小菜為主。
朋友們都捐出私家酒，我都出了私伙智利酒，難得生日飯，定要飲多幾杯!
兩道佐酒小食「椒鹽鮮魷」和「芝士卷」，香脆得交關，好在有酒，否則便會嫌熱氣了。
來一碟牛味濃郁的「燒牛肋骨」，燒得肉質腍腍地，中規中矩!
用青瓜切成心型，主菜是炒鮑魚和珊瑚蚌，非常有心思，唔講仲以為是酒店中菜。
「江南百花雞」是這店的招牌店，霸氣得像成隻乳豬般，吃落皮脆肉軟，真的比豬更像豬，自認港豬的我點會唔愛呢? (話時話，真正港豬又點識食呢D!)
再來兩道香口菜: 脆皮牛坑腩、脆皮豬手，麻甩小炒店怎可以冇這類菜，且在同類別店中，這裡的炒和炸都做得合格有餘了。
另一驚喜菜是「鹹鵝」，鵝件雖不算厚肉，但肉香而咸度剛好。
一人一隻「大連鮑魚」，跟我們在座每個人一樣，都咁爽呀!
「扇影金蔬」砌成一把扇狀，連炒菜都咁細心，抵讚!
既然都食了咁多煎炸，唔爭在食埋這條「越式燒魚」，真係唔錯，食完不禁飲多了幾啖紅酒。
夜晚一定要有些麵飯落肚的，這晚就以「煎韭菜餃」代替。
這晚老闆娘親自送上生日禮物，是一座巨塔，上面是炸蝦頭，中間放壽包，底層為花竹蝦刺身，別具心思，真是萬心感謝!
朋友們也送上兩個大蛋糕，再加一萬次多謝!
咦? 又話係Food blogger，點解當晚冇拍片冇直播嘅？ 有時候，唔係下下飯局都要公開的，就算做KOL (雖然我唔係)，都應該保留返一些自己的私人空間，俾自己跟朋友們盡情地講嘢。
希望就算世界潮流點變，再沒有Facebook、IG都好，這班朋友們都可以聯繫在一起啦!
朱敏記桑拿菜
地址: 九龍土瓜灣馬頭圍道103-105號新華大樓地舖
電話: +852 2387 1098
營業時間: 10:30 – 02:00
相關文章: 麻甩生日飯2018: 叔叔們相約「聚興家」! (米芝蓮車胎人推介)
《吃破世情》即日起，在商務、三聯、天地、誠品及各大書局有售，
同時可於博學出版社的博學網上書店預購，請Click入以下圖片查看及選購啦!
想知道我的最新動態，請關注Facebook專頁: YFL 生活博客
Instagram: kelvinyfl
