記得兩年前，蒸氣火鍋曾經大熱，我都食過好幾間，包括個人比較鍾情的土瓜灣皇朝。每逢有新嘢，食客們就是覺得好神奇，點解唔洗用水都可以蒸熟食物? 點解底下可以煲粥? 兩年過去，熱潮似乎早已冷郤，但提供蒸氣火鍋的食店仍然不少。

這晚又是生日飯局，壽星仔說未食過蒸氣火鍋，點名揀了這間「囍鍋蒸氣火鍋專門店」，店的位置正正是以前食過的酒鍋同一幢大廈內同一樓層。

比較起酒鍋，囍鍋略為大眾化，但比起其他同類店，又略貴，所以屬於中檔價。

晚市有蒸氣火鍋套餐供應，每位價錢由$288起的「南非龍蝦餐﹞，至最貴$500以上的鮑魚餐都有，我們揀最平那個。

這店有啤酒汽水任飲，因講明免開瓶費，壽星仔送了支法國Bordeaux紅酒來分享!

粥底有幾款可選的，我們選了南瓜排骨，開始蒸煮前，先下米及材料，然後就開始食蒸煮海鮮。

每位$288的套餐包每人半隻龍蝦，可揀黑松露金箔及蒜蓉，個人偏好蒜蓉的香味，反而黑松露蒸熟後香氣揮發了大半，有點兒浪費。

食過蒸氣火鍋的朋友都知道，每樣食物的蒸煮時間都不同。這店的店員會幫你按時間掣，不用操心。雖然有此服務，但是當晚好多次每時間到了，店員要隔一會兒後才來開蓋，心想倒不如自己落手蒸好過啦!

套餐點的食物分為海鮮、肉類及甜點幾類，在每類中揀兩款，大多數都是按人頭計份量的，即是每樣食物每人有一件。

每位一客蟲草花燉雞湯，都尚算鮮甜。

除了半隻龍蝦外，還點選了蟶子、元貝、手打墨魚丸、馬拉糕、蟲草雞、芥蘭等。

像普通火鍋一樣，可以自己混醬汁，但我認為不點任何醬汁仲好，可以吃出海鮮的原味。

吃完以上食物，我就覺得只有半飽，以晚餐來說太輕了。

好在還有粥! 可能因為我們人少，食物滴下去粥底的汁液明顯不足，於是要注水去粥那裡，才可以每人有一碗粥。吃過南瓜排骨粥後，總算有飽肚感。

每位$288其實不算貴(因為已經是最平的餐)，但又好似吃得唔夠喉，就算選較貴的套餐，都不過是食物款式略有不同，數量也是每樣一件而已。如想要食得更豐富的話，便要在套餐上額外單點加料了!

 

囍鍋蒸氣火鍋專門店

地址: 九龍尖沙咀天文臺道8號2樓2號舖

電話: +852 2682 2628

營業時間: 11:00-16:00; 18:00-00:00

---

請關注Facebook專頁:  YFL 生活博客 

Instagram: kelvinyfl