海洋公園內新建成的「香港海洋公園萬豪酒店」你去過未呢?
酒店在今年二月才正式開幕，但幾間餐廳在去年秋天已經開始營業了，我去年12月都去過其中一間扒房Prohibition，今次就去Marina Kitchen (海灣餐廳)食自助餐。每逢試新餐廳，都總是有點兒期待，究竟這間又有什麼賣點呢? (文末有優惠詳情)
賣點一: 旋轉雪糕櫃
平時去自助餐應該是先介紹冷盤、海鮮、熱盤，然後才到甜品和雪糕，點解今次調轉呢?
皆因這個放置在餐廳大門口附近的氹氹轉雪糕櫃實在太搶眼了，就算不是一來到就食雪糕，但點都會先望一望。雪糕櫃有齊兩大品牌Haagen-Dazs和 Movenpick的貨品，真的要留留肚，才可以食到落那麼多款式。不過，食還食，我都要講同一句說話，量力而為啦!
賣點二: 可持續環保海鮮
海洋公園近幾年在大力推廣環保海鮮概念，園內的酒店當然亦要跟!
冰鎮海鮮區雖然沒有生蠔，但長腳蟹、麵包蟹、青口、翡翠螺等都有，計落都不算少的。
龍蝦原來去了第二度! 就是在這裡清蒸，蝦膏非常厲害，難怪要排隊去取龍蝦!
賣點三: 香煎牛扒
供應兩種部位的美國種和牛，即叫即煎，烹煮得剛剛好，仍有肉汁溢出的!
賣點四: 中式燉湯及海味
據講是經常轉款的，這晚就有「松茸菇螺頭燉瘦肉」，十分足料又滋補。
中菜區還有燒味、海味類，這晚有「花膠撈麵」，可惜我忘記去取!
其他美食:
刺身類的選擇亦不少，當晚就有油甘魚、吞拿魚、甜蝦、帶子、八爪魚等，切得厚身而準確。
「鴨肝漢堡」香氣又Juicy，我都受不住誘惑，吃了一個咁多!
即烤西班牙式乳豬，非常油香肉滑，值得吃幾件!
好在甜品夠的式，吃幾件也不算太飽，還有空間去吃雪糕!
喜歡飲酒的話，每位加HK$198，就有葡萄酒、啤酒和汽水任飲!
小評: 我欣賞這裡的分區做法，而每個食物區都有開放式廚房，看到廚師烹煮的過程，很多菜式都是即煮而非擺放了很久那種，溫度保持到。而環境方面，座位和空間都足夠，沒有迫急的感覺，我就好滿意了!
吃飽後，最好去散個步，酒店範圍內有個庭園，不妨學我咁擺個Pose，影返幾張呃Like相啦!
自助晚餐時間: 18:30 – 22:00
價目:
星期一至四 成人HK$598 小童 HK$378
星期五至日及公眾假期 HK$648 小童 HK$398
*另計加一服務費
優惠:
憑以上劵可享自助餐81折 (適用: 午餐- 星期一至五, 晚餐 – 星期一至四)
地址: 香港黃竹坑黃竹坑道180號香港海洋公園萬豪酒店海灣地下海灣餐廳 (港鐵海洋公園站B出口)
電話: (852) 3555 1700
相關文章:【自助餐】2019年酒店自助餐優惠
號外! 我的首本著作《吃破世情》即日起，在誠品、商務、三聯、天地及各大書局有售，
同時可於網上購買，請Click入以下圖片查看及選購啦!
Instagram: kelvinyfl
YouTube: Kelvin Leung
